အကယ်၍ တရုတ်အနေဖြင့် US ချစ်ပ်ပြားထုတ်လုပ်ရေး ကုမ္ပဏီဖြစ်သော Micron ကို အရေးယူပိတ်ဆို့မှုများပြုလုပ်ခဲ့ပါက လစ်လပ်သွားသည့်နေရာကို တောင်ကိုးရီးယား ချစ်ပ်ပြားထုတ်လုပ်သူများက ဝင်ရောက်အစားထိုးခြင်းမပြုရန် အမေရိကန်က တောင်ကိုးရီးယားကို တောင်းဆိုလိုက်ခြင်းဖြစ်သည်။
အဆိုပါသတင်းသည် တောင်ကိုးရီးယား သမ္မတ ယွန်းဆော့ယို အမေရိကန်သို့လာရောက်၍ သမ္မတဘိုင်ဒန်နှင့် တွေ့ဆုံမည့် ထိပ်သီးအစည်းအဝေးပွဲမတိုင်ခင် ထွက်ပေါ်လာခဲ့ခြင်းဖြစ်သည်။
တောင်ကိုးရီးယားသမ္မတယွန်း အနေဖြင့် ယနေ့ ဧပြီ၂၄ရက်နေ့တွင် US သို့ရောက်ရှိမည်ဖြစ်ပြီး ၂၀၁၁ ခုနှစ်နောက်ပိုင်း တောင်ကိုးရီးယားသမ္မတတစ်ဦး၏ ပထမဆုံး အမေရိကန်ခရီးစဥ်ဖြစ်သလို ယခုနှစ်သည် နှစ်နိုင်ငံ သံတမန်ဆက်ဆံရေး နှစ်၇၀ပြည့်သည့်နှစ်လည်းဖြစ်သည်။
အမေရိကန်အခြေစိုက်Micron ကုမ္ပဏီထုတ် ချစ်ပ်ပြားများသည် လုံခြုံရေးစိတ်မချရမှုရှိသဖြင့် စုံစမ်းမှုများပြုလုပ်ရန် စီစဥ်နေကြောင်း ပြီးခဲ့သည့်မတ်လတွင် တရုတ်ဆိုက်ဘာလုံခြုံရေးဌာနက.သတင်းထုတ်ပြန်ခဲ့ပြီး Micron ကလည်း တရုတ်အာဏာပိုင်များနှင့် ပူးပေါင်းဆောင်ရွက်မည်ဖြစ်ကြောင်း ပြန်လည်တုံ့ပြန်ခဲ့သည်။
ဘေဂျင်းအနေဖြင့် အဆိုပါစုံစမ်းစစ်ဆေးမှုအပြီးတွင် Micron ကိုအရေးယူပိတ်ဆို့မှုများ ပြုလုပ်ခဲ့ပါက တောင်ကိုးရီးယား ချစ်ပ်ပြားကုမ္ပဏီများဖြစ်သော Samsung Electronic နှင့် SK Hynix တို့သည် တရုတ်စျေးကွက်သို့ ချစ်ပ်ပြားရောင်းချခြင်းကို ကန့်သတ်ပေးရန်.ဝါရှင်တန်က တောင်းဆိုခဲ့ကြောင်း နီးစပ်သည့်သတင်း အရင်းအမြစ်များကိုကိုးကား၍ Financial Time သတင်းစာက ရေးသားခဲ့ခြင်းဖြစ်သည်။
အမေရိကန်အိမ်ဖြူတော်က.အဆိုပါသတင်းအပေါ် မည်သည့်တုံ့ပြန်မှုမျှ မပြုလုပ်ခဲ့သော်လည်း တစ်ပိုင်းလျှပ်ကူးပစ္စည်းနှင့် ချစ်ပ်ပြားထုတ်လုပ်မှုများတွင် နှစ်နိုင်ငံ ပူးပေါင်းရင်းနှီးမြှပ်နှံရန်၊ နည်းပညာဖလှယ်မှုများ ပြုလုပ်ရန် တောင်<span;>ကိုးရီးယားသမ္မတ၏ ခရီးစဥ်အတွင်း ဆွေးနွေးမည်ဖြစ်ကြောင်း သတင်းထုတ်ပြန်ခဲ့သည်။
တရုတ်သည် ၎င်းတို့၏ စစ်ဘက်ဆိုင်ရာကိစ္စများတွင် အမေရိကန်ချစ်ပ်ပြားနည်းပညာများကိုအသုံးမချနိုင်စေရန်အတွက် အမေရိကန်အနေဖြင့် တရုတ်သို့ချစ်ပ်ပြားတင်ပို့မှုများကို ထိန်းချုပ်ခဲ့သလို Micron၏ ပြိုင်ဘက်ဖြစ်သော တရုတ်ချစ်ပ်ပြားကုမ္ပဏီ Yangtze Memory Technologies ကိုလည်း အမည်ပျက်စာရင်း တင်သွင်းထားခဲ့သည်။
ကူးယူဖော်ပြခွင့်မပြုပါ။
Source: Reuters
Photo: SCMP
0
