Facebook၏ မိခင်ကုမ္ပဏီဖြစ်သူ Mata ကအသစ်ပြုလုပ်လိုက်သည့် ဆိုရှယ်မီဒီယာတစ်ခုဖြစ်သော Threads အပလီကေးရှင်းကို ၇နာရီအတွင်း.အကောင့်သစ်ဖွင့်သူဦးရေ ၁၀သန်းအထိရှိခဲ့ကြောင့် ဇူကာဘက်က ပြောကြားခဲ့သည်။
Threads အပလီကေးရှင်းမှာ Twitterနှင့် ပုံစံဆင်တူစွာပြုလုပ်ထားပြီး.လတ်တလော Twitter၏ ပေါ်လစီအသစ်ကြောင့် စိတ်ညစ်နေကြသည့် Twitter အသုံးပြုသူများအနေဖြင့် Threads သည်.ရွေးချယ်စရာတစ်ခုဖြစ်လာမည် ဖြစ်သည်။
မကြာသေးမီက Twitterသည်.၎င်းတို့၏ အသုံးပြုသူများကို နေ့စဥ်ကြည့်ရှုနိုင်သည့်.tweet အရေအတွက်အား. အကန့်အသတ်ဖြင့်သာ ခွင့်ပြုမည်ဖြစ်ကြောင်း ပေါ်လစီထုတ်ပြန်ခဲ့ပြီးနောက် ဝေဖန်မှုများနှင့် ရင်ဆိုင်နေရချိန်ဖြစ်သည်။
Twitter ဘက်က.ယခုဆုံးဖြတ်ချက်သည် System ပေါ်မှ.မလိုလားအပ်သော automated bots များကိုရှင်းလင်းရန်နှင့် AI ကုမ္ပဏီများက.Twitter၏ ဒေတာများကို အသုံးပြု၍ ၎င်းတို့၏ algorithm များကို အဆင့်မြှင့်တင်ခြင်းကို ပြုလုပ်ခြင်းအား ကာကွယ်ရန်ဖြစ်ကြောင်း ပြန်လည်ရှင်းလင်းထားသည်။
သို့သော် အဆိုပါ.ပေါ်လစီမတိုင်မီကပင် profile blue mark ကို. လစဥ်ကြေးဖြင့် ရယူနိုင်သည်ဆိုသည့် အီလွန်မက်စ်၏ ပေါ်လစီအချို့ကြောင့်လည်း Twitter၏ အရှိန်အဝါမှာ ကျဆင်းလျက်ရှိနေပြီး Mataက.အချိန်ကိုက်ပင် Threadsကို မိတ်ဆက်ခဲ့ခြင်းဖြစ်သည်။
လက်ရှိတွင် Threads ကိုနိုင်ငံပေါင်း ၁၀၀ကျော်တွင် Android နှင့် iOS နှစ်မျိုးလုံးမှ ရယူနိုင်ပြီး မိမိတို့ အသုံးပြုနေသော Instagramအကောင့်ဖြင့် ချိတ်ဆက်ရမည်ဖြစ်ကာ ပိုစ့်တစ်ခုလျှင် စာလုံးရေ ၅၀၀ အထိရေးသားနိုင်ကြောင်း သိရသည်။
ဇူကာဘက်က.သူ၏ အသစ်ဖွင့်လှစ်ထားသည့် Threads အကောင့်မှနေ၍ Twitter.သည် အသုံးပြုသူ ၁ဘီလီယံ အထိ ရရှိနိုင်မည့် အခွင့်အရေးများရှိခဲ့သော်လည်း မဆုပ်ကိုင်နိုင်ခဲ့ကြောင်း၊ Threads အနေဖြင့် ထိုအဆင့်အထိ ရောက်ရှိရန် မျှော်လင့်ကြောင်း ရေးသား ခဲ့သည်။
နည်းပညာပိုင်းရှိ ဝေဖန်သူအချို့ကတော့ Threadsအနေဖြင့် မတည်ငြိမ်သေးကြောင်း၊ အထူးသဖြင့် Instagram.အကောင့်ဖြင့်.ချိတ်ဆက်ထားမှုကြောင့် Threadsအကောင့်ကို ဖျက်ချင်ပါက Instagramအကောင့်ကိုပါ ဖျက်ပစ်မှရကြောင်း ထောက်ပြကြသည်။
Mataကတော့.၎င်းတို့အနေဖြင့် အဆိုပါ ကိစ္စကိုဖြေရှင်းရန်.စီစဥ်နေကြောင့်နှင့် လောလောဆယ်တွင် Threadsအကောင့်ကို အသုံးမပြုချင်ပါက ဖျက်ပစ်မည့်အစား deactivate လုပ်နိုင်ကြောင်း ပြန်လည်ရှင်းပြထားသည်။
ကူးယူဖော်ပြခွင့်မပြုပါ။
Source: CNN, BBC
Photo: The Guardian
