#google

Google Glass ကို ဆက်လက်ရောင်းချတော့မည်မဟုတ်ကြောင်း Google ကြေငြာ

Google အနေဖြင့် ၎င်းတို့၏ လုပ်ငန်းသုံး Enterprise Edition အဖြစ်ထုတ်လုပ်ထားသည့် Google Glass များရောင်းချခြင်းကို ရပ်တန့်တော့မည်ဖြစ်ကြောင်း ယခုအပတ်တွင် ထုတ်ပြန်ကြေငြာခဲ့ပြီး ဝတ်ဆင်၍ရသည့် စမတ် device များထုတ်လုပ်ခြင်းကဏ္ဍမှ အရှုံးနှင့် ထွက်ခွာတော့မည်ဖြစ်သည်။

ကနဦးတွင် ဖုန်းများ၏ နေရာ၌ အစားထိုး အသုံးပြုနိုင်မည့် ခေတ်ရှေ့ပြေး ပစ္စည်းတစ်ခုကို ကျယ်ကျယ်ပြန့်ပြန့်ရောင်းချနိုင်ရန်အတွက် ရည်ရွယ်ကာ ၂၀၁၃ ခုနှစ်တွင် Google Glass ကို စတင်မိတ်ဆက်ခဲ့သော်လည်း ဒီဇိုင်းအားနည်းချက်နှင့် ဈေးနှုန်းကြီးမြင့်မှုများကြောင်း ဈေးကွက်အတွင်း အောင်မြင်မှု မရရှိခဲ့ဘဲ ၂၀၁၅ ခုနှစ်တွင် ထုတ်လုပ်မှု ရပ်တန့်ခဲ့သည်။

ထို့နောက် ၂၀၁၇ တွင် အများသုံးပုံစံအစား လုပ်ငန်းသုံးပိုဆန်သည့် Enterprise Edition Smartglass ကို ပြန်လည်မိတ်ဆက်ခဲ့ပြီး ကုန်ထုတ်စက်မှုကဏ္ဍများနှင့် သယ်ယူပို့ဆောင်ရေး ကဏ္ဍများကို အဓိကပစ်မှတ်ထားခဲ့သည်။

ဈေးကွက်အတွင်း ထင်သလောက် အောင်မြင်မှု မရခဲ့သော်လည်း ၂၀၁၉ ခုနှစ်တွင် Enterprise Edition 2 ကို ဆက်လက်ထုတ်လုပ်ခဲ့ပြီး Smartglass လုပ်ငန်းကို အသက်ဆက်နိုင်စေရန် နောက်ဆုံးကြိုးပမ်းခဲ့သော်လည်း ၉၉၉ဒေါ်လာ ပေါက်ဈေးရှိသည့် ဈေးနှုန်းကြောင့် ဈေးကွက်အတွင်း ရေပန်းစားမှု မရရှိခဲ့ပါ။

လက်ရှိရောင်းချထားပြီးသား Glass များကို စက်တင်ဘာအထိ ထောက်ပံ့မှုပေးနေဦးမည်ဖြစ်ပြီး ဆယ်စုနှစ်တစ်ခုကျော် ရှေ့ပြေးတီထွင်ရန်ကြိုးပမ်းမှုများနှင့် လက်တွဲခဲ့မှုများအတွက် ကျေးဇူးတင်ရှိပါကြောင်း ကြေငြာချက်တွင် ပါရှိသည်။

Google အနေဖြင့် အခြားသော နည်းပညာကုမ္ပဏီကြီးများကဲ့သို့ပင် ကိုဗစ်အလွန် စီးပွားရေး မျှခြေပြောင်းလဲမှုများနှင့် ကုန်ကျစရိတ်မြင့်တက်မှုများကြောင့် ဝန်ထမ်းလျှော့ချမှုများ ပြုလုပ်ရန် စီစဉ်နေသလို ယခုအစီအစဉ်သည်လည်း ကုန်ကျစရိတ်လျှော့ချမှုအစီအစဉ်၏ တစိတ်တပိုင်းအဖြစ် ပါဝင်ခြင်းဖြစ်သည်။

Google အနေဖြင့် Smartglass လောကမှ ခြေတစ်လှမ်းဆုတ်လိုက်သော်လည်း အခြားကုမ္ပဏီများဖြစ်သည့် Snapchat အနေဖြင့် ၎င်းတို့၏ smartglass ကို ဈေးကွက်အတွင်း ရေပန်းစားမှု ရရှိစေရန် ဆက်လက်ကြိုးပမ်းနေပြီး Appleကလည်း AR မျက်မှန်များကို စမ်းသပ်နေကြောင်း သိရသည်။

၎င်းတို့အပြင် Facebook ၏ မိခင်ကုမ္ပဏီ Meta နှင့် Microsoft တို့လည်း AR (Augmented Reality) glass များနှင့် VR (Virtuality Reality) glass များကို ကိုယ့်နည်းကိုယ့်ဟန်ဖြင့် စမ်းသက်လျက်ရှိကြပြီး မကြာမီနှစ်များအတွင်း ဈေးကွက်သို့ အချောသတ်ဝင်ရောက်နိုင်ရန် ကြိုးပမ်းလျက်ရှိကြသည်။

ကူးယူဖော်ပြခွင့်မပြုပါ။
Source: CNBC, CNN Business
Photo: WIRED

March 19, 2023 by Technology 0

Trump ၏ Truth Social အပလီကေးရှင်းကို Approve ပေးလိုက်သည့် Google

ယခင် အမေရိကန် သမ္မတဟောင်း ထရမ့်၏ ကုမ္ပဏီမှ ပြုလုပ်ထားသော ဆိုရှယ်မီဒီယာ တစ်ခုဖြစ်သည့် Truth Social ကို Google ၏ Play Store တွင် ဒေါင်းလုပ်ပြုလုပ်နိုင်ရန် တင်ခွင့်ပြုလိုက်ပြီဖြစ်ကြောင်း Google ၏ ပြောရေးဆိုခွင့်ရှိသူက ထုတ်ဖော်ပြောကြားခဲ့သည်။

Trump Media & Technology Group (TMTG) က ပိုင်ဆိုင်သည့် အဆိုပါ Truth Social အပလီကေးရှင်းသည် အမေရိကန်တွင် ပြီးခဲ့သည့် ဖေဖော်ဝါရီလက Apple ၏ App Store တွင် တင်ခွင့်ရခဲ့သော်လည်း Play Store တွင်မူ ပေါ်လစီခိုင်မာမှုမရှိဟု ဆိုကာ တင်ခွင့် မရခဲ့ပါ။

Google ၏ အဆိုအရ Truth Social ၏ ယခင် ပေါ်လစီတွင် အကြမ်းဖက်မှုကို လှုံဆော်ခြင်းများ၊ တစ်စုံတစ်ယောက်ကို ခြိမ်းခြောက်မှုများကဲ့သို့ ပို့စ်များကို ထိန်းသိမ်းကွပ်ကဲရန် ပေါ်လစီ မပါဝင်ခဲ့သောကြောင့် ကန့်သတ်ခဲ့ရခြင်းဖြစ်ပြီး ယခုအခါ အဆိုပါ ပေါ်လစီကို ထည့်သွင်းပြင်ဆင်ပြီးဖြစ်၍ ခွင့်ပြုလိုက်ပြီဖြစ်ကြောင်း သိရသည်။

အမေရိကန်တွင် Android ဖုန်းအသုံးပြုသူ ၄၀ ရာခိုင်နှုန်းခန့်ရှိရာ အပလီကေးရှင်းများ ဒေါင်းရန်အတွက် Play Store ကိုသာ အဓိကအသုံးပြုရသော်လည်း အချို့သော အသုံးပြုသူများသည် ဆမ်ဆောင်း၏ Galaxy Store ကဲ့သို့ အခြား Source များဖြင့် Truth Social ကို အသုံးပြုသူများလည်း ရှိနေသည်။

ထရမ့်အနေဖြင့်မူ ပြီးခဲ့သည့် ဇန်နဝါရီတွင် အမေရိကန် လွှတ်တော် အဆောက်အဦသို့ ဝင်ရောက်စီးနင်းမှု ဖြစ်ပွားစေရန် လှုံ့ဆော်သည်ဟုဆိုကာ Twitter, Facebook နှင့် YouTube တို့က ဘန်းခံရပြီးနောက် ယခုအခါတွင် Truth Social ကို သုံး၍ ဆိုရှယ်မီဒီယာများသို့ ပြန်လာနိုင်ပြီဖြစ်သည်။

ကူးယူဖော်ပြခွင့်မပြုပါ။
Source: Aljazeera, BBC
Photo: The Guardian

October 13, 2022 by Technology 0

ကင်ညာတွင် နည်းပညာဖွံ့ဖြိုးမှု စင်တာ ပထမဆုံးအကြိမ် ဖွင့်လှစ်တော့မည့် Google

ကင်ညာနိုင်ငံ၏ မြို့တော် နိုင်ရိုဘီတွင် ဖွင့်လှစ်မည့် အဆိုပါ နည်းပညာဖွံ့ဖြိုးမှု စင်တာသည် အာဖရိကတိုက်တွင် ပထမဆုံး ဖွင့်လှစ်သည့် Google ၏ နည်းပညာဖွံ့ဖြိုးမှုစင်တာ ဖြစ်လာမည်ဖြစ်ပြီး အာဖရိကတိုက်၏ တိုးတက်လာသည့် အင်တာနက်အသုံးပြုသူအရေအတွက်ကြောင့်ဟု ဆိုသည်။

Google ၏ ခန့်မှန်းတွက်ချက်မှုများအရ အာဖရိတိုက်သည် ယခုဆယ်စုနှစ်အကုန်တွင် အင်တာနက်အသုံးပြုသူဦးရေ သန်း ၈၀၀ အထိဖြစ်လာမည့်ဖြစ်ပြီး ကမ္ဘာ့လူငယ်ဦးရေ၏ သုံးပုံတစ်ပုံအထိရှိလာမည်ဖြစ်ရာ ယခုကဲ့သို့ ရင်းနှီးမြှပ်နှံရန် ဆုံးဖြတ်ရခြင်းဖြစ်ကြောင်း Google ၏ ထုတ်ပြန်ချက်တွင် ပါရှိသည်။

ယခုစင်တာအတွက် Google သည် ဒေါ်လာ ၁ ဘီလီယံအထိ ရင်းနှီးမြှပ်နှံရန် ရည်ရွယ်ထားပြီး အလုပ်အကိုင်အခွင့်အလမ်းပေါင်း ၁၀၀ကျော် ခေါ်ယူသွားမည်ဖြစ်ကြောင်း Google Africa ၏ အကြီးအကဲဖြစ်သူက ဘလော့တွင် ရေးသားခဲ့သည်။

ခေါ်သူသွားမည့် နည်းပညာရာထူးများမှာ ကုတ်ရေးသူပေါင်း ၁၀၀ ခန့်အပါအဝင် ဆော့ဖ်ဝဲအင်ဂျင်နီယာများ၊ User interface နှင့် User Experience ဒီဇိုင်နာများနှင့် product manager များပါဝင်ကြောင်း သိရပြီး စိတ်ဝင်စားသူ ကင်ညာနိုင်ငံသားများအနေဖြင့် Google ဝဘ်ဆိုက်မှ လျှောက်နိုင်ကြောင်း သိရသည်။

ပြီးခဲ့သည့် ၂၀၁၉ ခုနှစ်တွင် ဂါနာနိုင်ငံ၌ Artificial Intelligence စင်တာတစ်ခုဆောက်လုပ်ရန် ရင်းနှီးမြှပ်နှံခဲ့ပြီးနောက် ယခု ကင်ညာတွင် တည်ဆောက်မည့် နည်းပညာဖွံ့ဖြိုးမှုစင်တာသည် အာဖရိကတွင် Google ၏ ဒုတိယအကြိမ်မြောက် ကြီးမားသည့် ရင်းနှီးမြှပ်နှံမှုဖြစ်သည်။

ယခုအခါ ကင်ညာနိုင်ငံ၏ နိုင်ရိုဘီမြို့တော်သည် အမေရိကန် နည်းပညာကုမ္ပဏီကြီးများ၏ မျက်စိကျရာ နေရာဖြစ်လာနေပြီဖြစ်ပြီး ပြီးခဲ့သည့် မတ်လတွင်လည်း မိုက်ကရိုဆော့ဖ်သည် ဒေါ်လာ ၂၆သန်း တန်ကြေးရှိ Africa Development Centre ကို နိုင်ရိုဘီတွင် ဖွင့်လှစ်ခဲ့ပြီး ကင်ညာသမ္မတ ကိုယ်တိုင် ဖွင့်ပွဲသို့ တက်ရောက်ခဲ့သည်။

မိုက်ကရိုဆော့ဖ်၏ အဆိုပါ Africa Development Centre သည် အာဖရိကတိုက်တွင် နှစ်ခုသာရှိပြီး ကျန်တစ်ခုမှာ နိုင်ဂျီးရီးယားတွင် တည်ရှိကာ ကင်ညာသမ္မတက အဆိုပါဖွင့်ပွဲတွင် ယခုကဲ့သို့ နည်းပညာကုမ္ပဏီကြီးများ ကင်ညာသို့ လာရောက်ခြင်းက မိမိတို့၏ လူစွမ်းအားအရင်းအမြစ်နှင့် အခြေခံအဆောက်အဦးများသည် ယှဉ်ပြိုင်နိုင်စွမ်းရှိကြောင်း ပြသခြင်းဖြစ်သည်ဟု ပြေကြားခဲ့သည်။

မိုက်ကရိုဆော့ဖ်သည်လည်း အဆိုပါစင်တာနှစ်ခုအတွက် နိုင်ဂျီးရီးယားနှင့် ကင်ညာတို့တွင် နည်းပညာပိုင်းဆိုင်ရာ အင်ဂျင်နီယာများနှင့် ပညာရှင်များ ရာချီ၍ ဝန်ထမ်းလစ်လပ်နေရာများ ခေါ်ယူခဲ့သေးသည်။

ကူးယူဖော်ပြခွင့်မပြုပါ။
Source: Reuters, pulselive
Photo: The Indian Express

April 20, 2022 by Technology 0

အိန္ဒိယတွင် Google နောက်ထပ် ၁ ဘီလီယံ ထပ်မံရင်းနှီးမြှုပ်နှံပြန်

အိန္ဒိယ၏ တယ်လီကွန်းကုမ္ပဏီကြီးတခုတွင် Google ကနောက်ထပ် ဒေါ်လာ ၁ ဘီလီယံထပ်မံရင်းနှီးမြှုပ်နှံလိုက်ပြီးနောက် အိန္ဒိယ၏ စမတ်ဖုန်းဈေးကွက်တွင် သက်သာသောတန်ဖိုးနည်းဖုန်းများနှင့်အတူ တိုးတက်မှုကြီးကြီးမားမားဖြစ်ပေါ်လာလိမ့်မည်ဟု မျှော်လင့်နေကြသည်။

Google က အိန္ဒိယ၏ ဒုတိယမြောက်အကြီးဆုံး တယ်လီကွန်းအော်ပရေတာ Bharti Airtel တွင် ဒေါ်လာသန်း ၇၀၀ ထည့်ဝင်ခဲ့ပြီး ကုမ္ပဏီ၏ရှယ်ယာ ၁.၂၈ % ရယူခဲ့ကြောင်း ပြီးခဲ့သည့်သောကြာနေ့က ထုတ်ပြန်ကြေညာခဲ့သည်။ နောက်ထပ် ဒေါ်လာသန်း ၃၀၀ ကို လာမည့်နှစ်များအတွက် ကူးသန်းရောင်းဝယ်ရေးသဘောတူညီချက်များတွင် ထည့်သွင်းအသုံးပြုသွားမည်ဟုဆိုသည်။

Airtel ၏အဆိုအရ ဈေးသက်သာသောဖုန်းများသုံးစွဲနိုင်ရေးရည်မှန်းချက်အတွက် ၎င်း၏ဖုန်းထုတ်လုပ်ရေးလုပ်ငန်းနှင့် လက်တွဲလိုသည့် ကုမ္ပဏီနှစ်ခု ရှိနေကြောင်း၊ အိန္ဒိယတွင် 5G နှင့် cloud services အသုံးပြုနိုင်စေရန် လက်တွဲအလုပ်လုပ်ရန် မျှော်လင့်နေကြောင်းဖော်ပြထားသည်။

Google ၏ရင်းနှီးမြှုပ်နှံမှုခြေလှမ်းများက အိန္ဒိယသို့အခြေချလိုသည့် ကမ္ဘာ့နည်းပညာကုမ္ပဏီကြီးအတွက် အရေးပါသောလှုပ်ရှားမှုတခုလဲဖြစ်သည်။

ကမ္ဘာ့ဒုတိယမြောက်လူဦးရေအများဆုံး အိန္ဒိယတွင် အင်တာနက်အသုံးပြုသူ ၇၅၀ သန်းရှိနေပြီး ဒေါ်လာသန်းပေါင်းများစွာတန်သည့် အွန်လိုင်းစီးပွားရေးလုပ်ငန်းများ ပေါ်ထွက်လာရန်အခွင့်အလမ်းများရှိနေသည်။ ထို့အပြင် လူဦးရေအထူထပ်ဆုံး တရုတ်နိုင်ငံကဲ့သို့မဟုတ်ပဲ အိန္ဒိယက အမေရိကန်နည်းပညာ ကုမ္ပဏီများဖြစ်သည့် Facebook, Google, Amazon, Netflix နှင့် အခြားကုမ္ပဏီများစွာကို အိန္ဒိယလုပ်ငန်းများနှင့်ပူးပေါင်း၍ ဒေါ်လာ ဘီလီယံပေါင်းများစွာ လာရောက်ရင်းနှီးမြှုပ်နှံရန် ဖိတ်ခေါ်လျက်ရှိသည်။

Google တခုတည်းပင် ဒေါ်လာသန်းပေါင်းများစွာ အိန္ဒိယထဲသို့ ထည့်ဝင်ပြီးဖြစ်သည်။ လွန်ခဲ့သော ၂ နှစ်က Airtel ၏ပြိုင်ဖက်၊ Mukesh Ambani ၏လက်အောက်ရှိ Jio Platforms တွင် တန်ဖိုးနည်းဖုန်းများထုတ်လုပ်ရန်အတွက် ဒေါ်လာ ၄.၅ ဘီလီယံထည့်ဝင်ခဲ့သေးသည်။

ယခုကဲ့သို့ Google ၏နောက်ထပ်ရင်းနှီးမြှုပ်နှံမှုသတင်း ထပ်မံထွက်ပေါ်လာပြီးနောက်တနေ့တွင် Airtel ရှယ်ယာများ ၁.၅% နီးပါးထိုးတက်သွားခဲ့သည်။ Airtel သည်တောင်အာရှနှင့် အာဖရိကရှိ နိုင်ငံပေါင်း ၁၇ နိုင်ငံတွင် ဘီလီယံထက်ဝက်နီးပါးပမာဏရှိ customers များရရှိထားသည်။

ကူးယူဖော်ပြခြင်းခွင့်မပြုပါ။
Source: CNN Business
Photo: Getty Images

January 29, 2022 by News Technology 0

မူပိုင်ခွင့်ပြိုင်ပွဲတွင် Speaker ကုမ္ပဏီ Sonos ကို ရှုံးနိမ့်ခဲ့သည့် Google

Sonos ကုမ္ပဏီထုတ် Smart-speaker စနစ်ကို Google က မူပိုင်ခွင့်မရှိဘဲ ယူသုံးသည်ဟူသော စွပ်စွဲချက်ဖြင့် Sonos က အမေရိကန်နိုင်ငံတကာ ကုန်သွယ်ရေး ကော်မရှင်တွင် ဦးတိုက် လျှောက်ထားခဲ့ခြင်းဖြစ်ပြီး ယခုအခါ ကော်မရှင်က Sonos ကို အနိုင်ပေးခဲ့ခြင်းဖြစ်သည်။

ကော်မရှင်က ယခုကဲ့သို့ ဆုံးဖြတ်ခဲ့ခြင်းကြောင့် Google အနေဖြင့် အဆိုပါ Smart-speaker စနစ်အသုံးပြုထားသော speaker များနှင့် အခြား အိမ်သုံးဖျော်ဖြေရေး ပစ္စည်းများကို အမေရိကသို့ တင်ပို့ခွင့် ရရှိတော့မည် မဟုတ်ပါ။

Google ကတော့ အမေရိကန် နိုင်ငံတကာ ကုန်သွယ်ရေး ကော်မရှင်၏ ဆုံးဖြတ်ချက်ကို သဘောမတူကြောင်း စာထုတ်ပြန်ခဲ့ပြီး အခြား ဥပဒေကြောင်းများအရ မူပိုင်ခွင့်တိုက်ပွဲကို ဆက်လက်ဆင်နွဲသွားမည်ဟု ပြောကြားခဲ့သည်။

လက်ရှိ အဓိက အငြင်းပွားနေသော Smart-speaker ဆိုသည်မှာ အခန်းများထဲရှိ speaker အားလုံးကို တပြိုင်နက် ချိတ်ဆက်၍ စတီရီယိုသံ ထွက်ပေါ်စေခြင်း၊ အခန်းတစ်ခုခြင်းစီရှိ speaker များကို အသံ၊ အတိုးအကျယ် စိတ်ကြိုက်လုပ်နိုင်ခြင်း စသည့် နည်းပညာဖြစ်သည်။

Sonos သည် အဆိုပါ နည်းပညာကို ၂၀၀၅ ခုနှစ်ကတည်းက စတင်မိတ်ဆက်ခဲ့ခြင်းဖြစ်ပြီး ထိုစဉ်က CES နည်းပညာပြပွဲတွင် နည်းပညာတီထွင်မှု ဆုကိုလည်း ဆွတ်ခူးနိုင်ခဲ့သူဖြစ်သည်။

Sonos ၏ ဥပဒေအကြံပေး အရာရှိ အက်ဒီ လာဇရပ်စ်ကတော့ Google အနေဖြင့် ကော်မရှင်၏ တင်သွင်းခွင့် ပိတ်ပင်မှုကို ကျော်လွှားလိုလျှင် ၎င်းတို့ ထုတ်လုပ်ထားသည့် speaker များကို အဆင့်နှိမ့်ပစ်ခြင်း၊ သို့မဟုတ် အဆိုပါ နည်းပညာကို လုံးဝထည့်သွင်းခြင်း မပြုလုပ်ခြင်းတို့ လုပ်ဆောင်နိုင်ကြောင်း ပြောကြားခဲ့သည်။

ထိုသို့မဟုတ်ပါဘဲ နည်းပညာကို ဆက်လက် အသုံးပြုမည်ဆိုပါက မိမိတို့သည် မူပိုင်ခွင့်ရှိသည့် ကုမ္ပဏီဖြစ်သည့်အလျောက် သက်ဆိုင်ရာ လိုင်စင်ကြေးကို မိမိတို့ Sonos အား ပေးချေခြင်း ပြုနိုင်ကြောင်း မစ္စတာ လာဇရပ်စ်က ခနဲ့၍ ဖြေကြားခဲ့သည်။

Google နှင့် Sonos တို့သည် ယခင်ကလည်း နည်းပညာပိုင်းဆိုင်ရာနှင့် ပတ်သက်၍ အငြင်းပွားမှုများ ရှိခဲ့ပြီး ထင်ရှားသည့် ဖြစ်စဉ်မှာ Google Assistant နှင့် Sonos ၏ Smart Assistants တို့အကြား မူပိုင်ခွင့် အငြင်းပွားမှု ပြဿနာဖြစ်သည်။

ကူးယူဖော်ပြခွင့်မပြုပါ။
Source: BBC, Bloomberg
Photo: XDA Developers

January 10, 2022 by Technology 0

လာမည့်နှစ်မှ စတင်၍ Google Play ရှိ Game များအား Windows ပေါ်တွင် တွေ့မြင်ရတော့မည်ဟု Google ဆို

မကြာသေးမီက ကျင်းပခဲ့သည့် Game ဆုပေးပွဲအတွင်း Google ၏ ပြောရေးဆိုခွင့်ရှိသူတစ်ဦးမှ အံ့အားသင့်ဖွယ် ကြေငြာချက်တစ်ခုအား ပြုလုပ်ခဲ့သည်။

၎င်း ကြေငြာချက်သည် လာမည့်နှစ်မှ စတင်၍ Google Play တွင် တွေ့ရှိရသည့် Game များအား Windows 10 နှင့် Windows 11 တို့တွင် စတင်အသုံးပြုနိုင်တော့မည် ဖြစ်သည်။

လက်ရှိတွင် Microsoft သည် Amazon နှင့် ပူးပေါင်းထားပြီးဖြစ်သောကြောင့် Microsoft Store တွင် စာရင်းပြုစုနေချိန်ဖြစ်သည့်အလျောက် Google အနေဖြင့် ဝင်ရောက်ရန် အချိန်ကိုက်ဖြစ်ခဲ့သည်။

သို့သော်လည်း Microsoft နှင့် Amazon တို့၏ ပူးပေါင်းမှုသည် တရားဝင်ကြေငြာမှုပြုလုပ်ခဲ့သော်လည်း Google အနေဖြင့် ပူးပေါင်းမှုဖြစ်စဉ်အား ၎င်းကိုယ်ပိုင် လုပ်ဆောင်နေပုံရသည်ဟု သိရှိရသည်။

Google ၏ ပြောရေးဆိုခွင့်ရှိသူ အနေဖြင့် ကြေငြာချက်တွင် ပါဝင်မည့် Game များအား အသေးစိတ် မဖော်ပြထားသော်လည်း Google App မှ တစ်ဆင့် Game များကို ဖန်တီးပေးမည်ဖြစ်ပြီး Windows 10 နှင့် Windows 11 တွင် တစ်ချိန်တည်း အသုံးပြုနိုင်မည်ဖြစ်သည်။

အခြားသော Feature အနေဖြင့် ကျွန်ုပ်တို့၏ Android ဖုန်းတွင် ဆော့ကစားခဲ့သည့် Game တစ်ခုအား ကျွန်ုပ်တို့၏ laptop သို့မဟုတ် Desktop PC တွင် မူလအခြေနေအတိုင်း ပြန်လည်ရယူနိုင်မည်ဖြစ်သည်။

သုံးသပ်သူများ၏ ထောက်ပြထားသည့်အတိုင်း Google ၏ ပေါင်းစပ်မှုနှင့်ပတ်သတ်၍ များစွာထုတ်ဖော်ပြောဆိုခြင်းမရှိသည့်တိုင် အချက်အလက်များအရ မကြာမီရောက်ရှိလာတော့မည်ဖြစ်သည် ဟုဆိုသည်။

ဤကြိုးပမ်းအားထုတ်မှုများသည် အခြားသော Application အမျိုးအစားများစွာအထိ တို့ချဲ့မည်ဖြစ်သည်ဟု ထပ်မံသိရှိရပြီး Google Play ရှိ Game များအားလုံးအား PC တွင် ရရှိနိုင်ရန်လည်း User များအနေဖြင့် မျှော်လင့်လျက်ရှိသည်ဟု ထုတ်ဖော်ရေးသားထားသည်။

ကူးယူဖော်ပြခြင်းခွင့်မပြုပါ။

Source: GSMArena, The Verge, Aninews, PhoneWorld, Neowin

December 13, 2021 by News Technology 0

Google က ဩစတေးလျတွင် ဒေါ်လာ သန်း ၇၄၀ ရင်းနှီးမြှုပ်နှံမည်

အမေရိကန်နည်ပညာကုမ္ပဏီကြီး Google က ဩစတေးလျတွင် ဩစတေးလျဒေါ်လာ ၁ ဘီလျံ (ကန်ဒေါ်လာ သန်း ၇၄၀) ကို လာမည့် ၅ နှစ်အတွင်းရင်းနှီးမြှုပ်နှံသွားမည်ဟု ကြေညာခဲ့သည်။
ကုမ္ပဏီသည် ရင်းနှီးမည့်ငွေကြေးများဖြင့် သုတေသနဌာနတခု တည်ဆေက်မည်ဖြစ်ပြီး Cloud Computing စွမ်းရည်တိုးမြှင့်စေရန်နှင့် ဒေသတွင်းအဖွဲ့အစည်းများနှင့် ဘဏ္ဍာရေးအရ ပူးပေါင်းမှုများလုပ်ဆောင်မည်ဟု ပြောကြားခဲ့သည်။
ယခုအစီအစဉ်အား Digital Future Initiative ဟု အမည်ပေးထားပြီး အလုပ်အကိုင် ၆,၀၀၀ ဖန်တီးပေးနိုင်မည်ဖြစ်ကာ ဆက်စပ်နေသည့် လူဦးရေစုစုပေါင်း ၂၈,၀၀၀ ကို အထောက်အကူပြုနိုင်မည်ဖြစ်သည်။

အဆိုပါအစီအစဉ်မှာ ဩစတေးလျနိုင်ငံ၊ ဆစ်ဒနီမြို့၏ ကမ္ဘာ့တောင်ဘက်ခြမ်းနည်းပညာမြို့တော်ဖြစ်လာလိုသော “Silicon Valley of Southern Hemisphere” ရည်မှန်းချက်များအတွက် အားတက်ဖွယ် အရွေ့တခုလည်းဖြစ်လာသည်။
နည်းပညာလုပ်ငန်းများအတွက် Tech Central ဆုံချက်တခုကို ဆစ်ဒနီမြို့လယ်ခေါင်တွင် တည်ဆောက်နေပြီး စီမံကိန်းသည် ဒေါ်လာ ဘီလျံများစွာတန်ကြေးရှိလာမည်ဖြစ်သည်။

Google အကြီးအကဲ ဆွန်ဒါပီချေး (Sundar Pichai) ၏ ရိုက်ကူးထုတ်လွှင့်သော ဗီဒီယိုဖိုင်တွင် “ကျွန်တော်တို့က ဩစတေးလျရဲ့ နောက်လာမယ့် ဆန်းသစ်တီထွင်မှုတွေကို အကူအညီပေးချင်ပါတယ်” ဟု ပါရှိခဲ့သည်။
ဩစတေးလျဝန်ကြီးချုပ် စကော့မောရစ်ဆင်က Google ၏ ရင်းနှီးမြှုပ်နှံမှုအား “ဩစတေးလျ ဒစ်ဂျစ်တယ်စီးပွားရေးမဟာဗျူဟာအတွက် ဩဇီဒေါ်လာ ၁ ဘီလျံဖိုးယုံကြည်မှု ဆန္ဒပြုမှု ၁ ခု” ဟု ဩစတေးလျရှိ Google ရုံးချုပ်တွင် ရည်ညွှန်းပြောကြားခဲ့သည်။

ဝန်ကြီးချုပ်ရည်ညွှန်းသည့် ဩစတေးလျဒစ်ဂျစ်တယ်စီးပွားရေးမဟာဗျူဟာတွင် လူလုပ်အသိဉာဏ် – AI များ တိုးတက်စေရေး၊ Quantum Computing နှင့် ဒစ်ဂျစ်တယ်ငွေကြေး – ဘလော့ချိန်းနည်းပညာတို့ ပါဝင်ထားပြီးဖြစ်သည်။
အမေရိကန်နည်းပညာလုပ်ငန်းကြီး Google နှင့် ဩစတေးလျအစိုးရတို့အကြား ဒစ်ဂျစ်တယ်သတင်းများ ဖြန့်ချိမှုနှင့် ပတ်သက်၍ ပြဿနာများ ဖြစ်ပွားလျက်ပင်ရှိသေးသည်။
ဩစတေးလျအခြေစိုက် သတင်းဌာနများအား Google စာမျက်နှာပေါ်တွင် ထိန်းချုပ်ထားမှု၊ လူအများဆီရောက်ရှိမှုနှင့်ပတ်သက်၍ မမျှတဟူသော အကြောင်းအရာများ ဖြစ်ပေါ်ခဲ့ပြီး ဩစတေးလျအစိုးရက နိုင်ငံအတွင်း Google ကို မသုံးရေးအထိပါ ဖြစ်နိုင်သည်ဟု သတိပေးမှုများ ထွက်ပေါ်ခဲ့ဖူးသည်။
Google ၏ ယခုကမ်းလှမ်းချက်များတွင် ဩဇီနှင့် ကုမ္ပဏီတို့အကြား ပြေလည်မှုအခြေအနေမည်မျှရှိနေသည်ကိုမူ အတိအကျမသိရသေးချေ။

ကူးယူဖေါ်ပြခြင်းခွင့်မပြုပါ။
Source: CNET, BBC Business, CNBC Business
Image: Ausralia Reseller News

November 16, 2021 by News Technology 0

Tech Giant များနှင့် ဘီလီယံနှင့်ချီကုန်ကျမည့် Cybersecurity အစီစဉ်သစ်များအား ချမှတ်ခဲ့သည့် Joe Biden

ပြီးခဲ့သည့် ဗုဒ္ဓဟူးနေ့က အမေရိကန် သမ္မတ ဂျိုးဘိုင်ဒန် နှင့် အိမ်ဖြူတော် အစည်းအဝေးတွင် နည်းပညာ အခန်းကဏ္ဍမှ အာမခံအခန်းကဏ္ဍများအထိ ထိပ်သီးစီးပွားရေးခေါင်းဆောင်များနှင့် အသီးသီးတွေ့ဆုံကာ အမေရိကန်ဒေါ်လာ ဘီလီယံနှင့်ချီ ကုန်ကျမည့် ဆိုက်ဘာ လုံခြုံရေးဆိုင်ရာ နည့်းပညာမြှင့်တင်မည့် အစီအစဉ်သစ်များ ချမှတ် ခဲ့သည်ဟု သိရှိရသည်။

အစည်းအဝေးဆုံးဖြတ်ချက်များတွင် စက်မှုလုပ်ငန်းများအား စံသတ်မှတ်ချက်များနှင့်အညီ ဦးတည်လုပ်ဆောင်ရန်နှင့် အခြားသောစီးပွားရေးလုပ်ငန်းများ ပိုမိုအားကောင်းစေရန် နည်းပညာအရ လုံခြုံရေး ကိရိယာများထောက်ပံ့ခြင်း နှင့် လက်ရှိအချိန်ထိ အားနည်းချက်များစွာရှိနေသေးသည့် နည်းပညာအခန်းကဏ္ဍအတွက် ဆိုက်ဘာလုံခြုံရေး အလုပ်အကိုင် ၅ သိန်း ခန့်ကို ဖြည့်တင်းပေးရန် ၊ ကျွမ်းကျင်အလုပ်သမားများ မွေးထုတ်နိုင်ရန် အဓိကထား ပြောကြားခဲ့သည်။

အစိုးရ၏ software contractor ဖြစ်သော SolarWinds နှင့် ရေနံပိုက်လိုင်း တို့အပါအ၀င် အခြားနာမည်ကြီးပုဂ္ဂိုလ်များ၏ cyberattack ဖြစ်ရပ် များကြောင့် အစည်းအဝေးသည် နိုင်ငံတော်အဆင့် နည်းပညာလုံခြုံရေးကဏ္ဍ အဖြစ် ဆွေးနွေးမှုများ ပြုလုပ်ခဲ့ရခြင်းဖြစ်ကြောင်း သိရှိရသည်။

အိမ်ဖြူတော်၏ ဆုံးဖြတ်ချက်တွင် Apple အနေဖြင့် ၎င်းတို့၏ နည်းပညာထောက်ပံ့ရေးအစီစဉ်သစ်နှင့်အတူ လုံခြုံရေးတိုးမြှင့်ရန်အတွက် Program များအား ဖန်တီးရမည်ဖြစ်ပြီး Google အနေဖြင့်လည်း ၅ နှစ်တာကာလအတွင်း အမေရိကန်ဒေါ်လာ ၁၀ ဘီလီယံကျော် ရင်းနှီးမြှုပ်နှံကာ ပူးပေါင်းဆောက်ရွက်မည်ဖြစ်သည်ဟု သိရှိရသည်။

Google သည် Cybersecurity နှင့် Data Analytic ဆိုင်ရာ အသိအမှတ်ပြု သင်တန်းများမှတစ်ဆင့် ကျွမ်းကျင်ပညာရှင် ၁ သိန်း ကို လေ့ကျင့်သင်ကြားပေးမည်ဟုလည်း သဘောတူညီမှုပြုလုပ်ခဲ့သေးသည်ဟု ထပ်မံသိရှိရသည်။

အစည်းအဝေးအပြီးတွင် Microsoft အနေဖြင့် ပူးပေါင်းဆောင်ရွက်မှု ငါးနှစ်တာ ကာလအတွင်း အမေရိကန်ဒေါ်လာ ၂၀ ဘီလီယံ ကုန်ကျခံမည်ဟု သဘောတူညီမှုရယူခဲ့ပြီး အမှုဆောင် အရာရှိချုပ်ဖြစ်သူ Satya Nadella ၏ပြောကြားချက်တွင် အစိုးရအေဂျင်စီများနှင့် ၎င်းတို့၏ မိတ်ဖက် အဖွဲ့အစည်းများအားလုံးအတွက် နည်းပညာလုံခြုံရေးမြှင့်တင်ရန် အမေရိကန်ဒေါ်လာ သန်း ၁၅၀ ကိုထပ်မံရင်းနှီမြှုပ်မည်ဖြစ်သည်ဟု ထပ်မံပြောကြားခဲ့သည်။

IBM ၏ အမှုဆောင်အရာရှိချုပ်ဖြစ်သူ Arvind Krishna ကလည်း ဗုဒ္ဓဟူးနေ့အစည်းအဝေးမတိုင်မီ ဆိုက်ဘာလုံခြုံရေး အခန်းကဏ္ဍသည် ဆယ်စုနှစ်ကြာ ပြသနာဖြစ်ပေါ်နေခြင်းဖြစ်ကြောင်းနှင့် အစိုးရနှင့် နည်းပညာကော်ပိုရေးရှင်းများကြား ယခုကဲ့သို့ ပူးပေါင်းဆောင်ရွက်မှုဖြစ်စဉ်တွင် ၎င်းတို့အနေဖြင့် ကျွမ်းကျင်လုပ်သားများ မွေးထုတ်သည့်အပိုင်းကို အားဖြည့်လုပ်ဆောင်မည်ဖြစ်ကြောင်း ထုတ်ပြန်ထားသည်ကိုလည်း သိရှိရသည်။

အခြားသော ထိပ်တန်း နည်းပညာကော်ပိုရေးရှင်းများဖြစ်သည့် Amazon သည်လည်း ၎င်း၏ Cloud Computing ဌာနခွဲဖြစ်သော Amazon Web Services အားဖြင့် သတင်းအချက်အလက်များ ပိုမိုလုံခြုံမှုရှိစေရန် အခမဲ့ multifactor authentication device များပေးရန်စီစဉ်လျက်ရှိပြီး အဖွဲ့အစည်းတစ်ခုစီအတွက် လုံခြုံရေးအသိပညာပေးရေး သင်တန်းများ ပို့ချနိုင်ရန် စီစဉ်ပေးလျက်ရှိသည်။

အိမ်ဖြူတော် အစည်းအဝေးအပြီးတွင် “ယခုပေါင်းစည်းမှုသည် အလွန်အကျိုးရှိသော ပူးပေါင်းဆောင်ရွက်မှုဖြစ်လာမည်ဖြစ်ပြီး ယခုဖြစ်ရပ်များသည် ကျွန်ုပ်တို့ နိုင်ငံကို ကာကွယ်ရန်နှင့် ပိုမိုကောင်းမွန်သော အလုပ်များကို လုပ်ဆောင်ရန် ဖြစ်သည်”ဟု JPMorgan Chase အမှုဆောင်အရာရှိချုပ် Jamie Dimon မှ ပြောကြားခဲ့သည်။

ကူးယူဖော်ပြခြင်းခွင့်မပြုပါ။

Source: CNBC Tech, Gadgets, TheVerge, Reddit

August 27, 2021 by News Technology 0

Ransomware ပြသနာများကိုဖြေရှင်းရန် Amazon, Google နှင့် Microsoft တို့ အစိုးရဖြင့်ပူးပေါင်း

ဆိုက်ဘာ တိုက်ခိုက်မှုများ ခြိမ်းခြောက်ခံရပြီးနောက် အမေရိကန်ရှိ နည်းပညာ ကုမ္ပဏီများဖြစ်သည့် Amazon, Google , Microsoft တို့ နှင့်အခြားသော Tech Giant ကုမ္ပဏီများစွာ ပူးပေါင်းကာ မကြာခဏ ဆိုသလို ရင်ဆိုင်နေရသည့် Ransomware ပြသနာကို ဖြေရှင်းရန် အစိုးရနှင့် သဘောတူညီမှုရရှိခဲ့ပြီဟု သိရှိရသည်။

JCDC (အမိမြေလုံခြုံရေးနှင့်ဆိုက်ဘာကာကွယ်ရေး) ဌာနနှင့် အခြားသော Cyber Security အေဂျင်စီများစွာတို့ ပူးပေါင်းကာ နိုင်ငံတစ်ဝန်းလုံး ဆိုင်ဘာ ကာကွယ်ရေး အစီစဉ်သစ်ကို လုပ်ဆောင်သွားမည်ဖြစ်ကြောင်း Cybersecurity and Infrastructure Security Agency (CISA) မှ ဒါရိုက်တစ်ဦးဖြစ်သူ Jen Easterly က ဆိုင်ဘာလုံခြုံရေး ညီလာခံတွင် ပြောကြားခဲ့သည်။

ပူးပေါင်းဆောင်ရွက်မည့် နည်းပညာ ကုမ္ပဏီကြီးများမှာ Crowdstrike, Palo Alto Networks, FireEye, Amazon Web Services, Google, Microsoft, AT&T, Verizon နှင့် Lumen တို့ဖြစ်ပြီး ၎င်းတို့ အားလုံးသည် CISA နှင့် ပူးပေါင်းလုပ်ဆောင်ရန် သဘောတူညီမှုရရှိခဲ့ပြီဖြစ်သည်။

အဖွဲ့အစည်းအားလုံးသည် လက်တလော ရင်ဆိုင်နေရသည့် Ransomware ပြသနာများကို ပစ်မှတ်ထားကာ ဟက်ကာများထံမှ သတင်းအချက်လက်များအား Encrypt လုပ်ဆောင်နေမှုကို ဖော်ထုတ်ပြီး ထိခိုက်နစ်နာမှုများကို တုံ့ပြန်ရန် လုပ်ဆောင်သွားမည် ဖြစ်သည်ဟု ထပ်မံသိရှိရသည်။

၂၀၂၁ ခုနှစ်တွင်း ဆိုက်ဘာတိုက်ခိုက်မှုများ အများအပြားဖြစ်ပေါ်ခဲ့ပြီး များစွာသော နည်းပညာ ကုမ္ပဏီများနှင့် လုံခြုံရေး ကုမ္ပဏီကြီးများအထိ Ransomware တိုက်ခိုက်မှုများ ကြုံတွေ့ခဲ့ရပြီးနောက် စာရင်းပြုစုချက်အရ အမေရိကန်ရှိ စီးပွားရေး လုပ်ငန်းပေါင်း ၁၅၀၀ ကျော် ထိခိုက် နစ်နာမှုနှင့် ကြုံတွေခဲ့ရသည်။

ကူးယူဖော်ပြခြင်းခွင့်မပြုပါ။

Source: CNBC Tech, Cnet, The Wall Street

August 6, 2021 by News Technology 0

Goolge မှ ၎င်း၏ ကိုယ်ပိုင် Processor ဖြစ်သော Tensor ကို မိတ်ဆက်

Google သည် လာမည့်ထုတ်ကုန်သစ်ဖြစ်သော Pixel 6 နှင့် 6 Pro များတွင် အသုံးပြုရန် ၎င်း၏ ကိုယ်ပိုင် Processor ဖြစ်သော Tensor ကို မိတ်ဆက်ခဲ့သည်။

အဆိုပါထုတ်ကုန်သည် Smartphone လောကအတွင်းမင်းမူလျက်ရှိသည့် နာမည်ကျော် Qualcomm ကို ယှဉ်ပြိုင်နိုင်ရန် ခြေလှမ်းသစ် စတင်ခြင်းတစ်ခုလည်းဖြစ်သည်။

ထို့ကြောင့် Google သည် Pixel 6 နှင့် 6 Pro တို့တွင် Qualcomm ၏ Snapdragon chipset များကိုအသုံးမပြုဘဲ Tensor ဖြင့် ပွဲထွက်လာဖွယ်ရာရှိနေခဲ့ခြင်းဖြစ်သည်။

ထိုနည်းတူ Apple သည်လည်း Intel chipset များအစား ၎င်း၏ ကိုယ်ပိုင် Processor များကို အသုံးပြုကြေငြာပြီးနောက်တွင် ဈေးကွက်တွင်း ယခုကဲ့သို့ ပြိုင်ဆိုင်မှုများ ပြင်းထန်လာခဲ့ခြင်းဖြစ်သည်။

Google သည်လည်း Apple ကဲ့သို့ပင် ARM technology ကိုအသုံးပြုကာ Tensor Processor များသည် ပါဝါ အသုံးပြုမှုနည်းပါးပြီး Smartphone များမှသည် Tablet နှင့် laptop များအထိ အသုံးပြုနိုင်သော စွမ်းဆောင်ရည်မြင့် Chipset များဖြစ်သည်ဟုလည်း သိရှိရသည်။

Source : Google : Pixel 6 Pro

တစ်ဖက်တွင်လည်း Qualcomm သည် ၎င်း၏ Snapdragon Platform ပေါ်အခြေခံ၍ လက်ရှိနှင့် လာမည့်ထုတ်ကုန်များအတွက် Google နှင့် အတူ ပူးပေါင်းလုပ်ဆောင်သွားမည်ဟုလည်း ထပ်မံသိရှိရသည်။

Google ၏ Tensor သည် အောက်တိုဘာလတွင် ဖြန့်ချီမည်ဟု ခန့်မှန်းထားပြီး Flagship level များကို အားဖြည့်ပေးနိုင်လိမ့်မည်ဟု ပါရှိသည်။

၎င်း၏ Pixel 4a ကဲ့သို့ တန်ဖိုးနည်း နည်းပညာမြင့် ထုတ်ကုန်များဖြင့် ဈေးကွက်တွင်း ပြိုင်ဆိုင်မှု မြှင့်တင်လာခဲ့ပြီးနောက် Google သည် Apple နှင့် Samsung တို့ကို ဆန့်ကျင်လာနိုင်သည့် ယှဉ်ပြိုင်မှုကို ပြင်ဆင်ရန် ကြိုးစားလာခဲ့ခြင်းဖြစ်သည်။

Tensor Chipset or SoC တွင် ဖုန်းမှပေးပို့သော Mobile Photography နည်းပညာများကို ယခင်ကထက် ပိုမိုကောင်းမွန်စွာ ထောက်ပံ့ပေးနိုင်သည့်အပြင် Voice-to-speech ကဲ့သို့ Translation နည်းပညာများနှင့် အဆင့်မြင့် ဉာဏ်ရည်တုဆိုင်ရာအသုံးချ Program ( Ai ) ပါဝင်သော သီးသန့် Processor တစ်ခုလည်း ပါဝင်သေးသည်ဟု ကြေငြာချက်တွင်ပါရှိသည်။

Google သည် အစောပိုင်းကာလများတွင် အလွန်ကောင်းမွန်သော Smartphone များနှင့် ၎င်း၏ mobile photography နည်းပညာများကောင်းမွန်သောကြောင့် သုံးစွဲသူ customer များ များပြားစွာရှိနေခဲ့သော်လည်း လုံလောက်သော Market Research များနှင့် development sector များ မလုပ်ခဲ့ခြင်းက ဈေးကွက်တွင်း ပြိုင်ဘက်များဖြစ်သည့် Apple နှင့် Samsung တို့အား ယှဉ်ပြိုင်ရန် ခက်ခဲနေခဲ့ခြင်းဖြစ်သည်။

သို့သော်လည်း ယခုလာမည့် Pixel 6 နှင့် 6 Pro သည် Google ၏ ပကတိ ဈေးကွက်တွန်းအားကို တွေ့မြင့်ရလိမ့်မည်ဟု သုံးသပ်သူများမှ ပြောကြားခဲ့သည်။

ကူးယူဖော်ပြခြင်းခွင့်မပြုပါ။

Source: CNBC Tech, Bloomberg, Global Time, Google News

August 3, 2021 by News Technology 0