အာရှတွင် ဘီယာ ရောင်းအားကျဆင်းသဖြင့် Heineken အမြတ်ငွေထိခိုက်
အာရှဖစိဖိတ်ဒေသတွင် ရောင်းအားကျဆင်းသဖြင့် ယခုနှစ် နှစ်ဝက်စာရင်းချုပ်ရာတွင် အသားတင်အမြတ်ငွေ၉ရာခိုင်နှုန်း ကျဆင်းခဲ့ပြီး ဘဏ္ဍာရေးလျာထားချက် မပြည့်မီခဲ့ကြောင်း အဖျော်ယမကာလုပ်ငန်းကြီး Heineken က ထုတ်ပြန်ခဲ့သည်။
ပုံမှန်အားဖြင့် အာရှ ပစိဖိတ်ဒေသသည် Heineken အတွက် အမြတ်အစွန်းများစွာ ရှာဖွေပေးသည့် ဒေသဖြစ်သော်လည်း ယခုနှစ် နှစ်ဝက်တွင်ရှိခဲ့သော ဘီယာရောင်းအားသည် ယမန်နှစ်ရောင်းအားထက် ၁၃ရာခိုင်နှုန်း ကျဆင်းခဲ့သည်ဟု ဖော်ပြထားသည်။
အာရှပစိဖိတ်တွင် ထင်မှတ်ထားသည်ထက် ရောင်းအားကျခဲ့ခြင်း၊ ဗီယက်နမ်စျေးကွက်တွင် အသစ်ထိုးဖောက်ခဲ့သော ဆိုဂျူရော ဘီယာပုံစံအသစ်၏ စျေးကွက်တုံ့ပြန်မှု မကောင်းခြင်းများကြောင့် ယခုရလဒ် ထွက်ပေါ်ခဲ့ခြင်းဖြစ်သည်ဟု Heineken ၏ CEO Adolf van den Brink ကဆိုသည်။
သည့်အပြင် နိုင်ဂျီးရီးယားတွင် ဖြစ်ပွါးခဲ့သည့် အစိုးက စက်သုံးဆီလုပ်ငန်းများ အားလုံးကို နိုင်ငံပိုင်ပြန်လည်ပြုလုပ်လိုက်ခြင်ကြောင့်လည်း နိုင်ဂျီးရီးယားနိုင်ငံအတွင်း စီးပွါးရေး မငြိမ်သက်မှု ဖြစ်ပွါးခဲ့ရပြီး ထိုဖြစ်ရပ်၏ရိုက်ခတ်မှုကို Heineken လည်း ခံစားရကြောင်း CEO က ရှင်းပြသည်။
Heineken ၏ တွက်ချက်ထုတ်ပြန်မှုအရ ဗီယက်နမ်နှင့် နိုင်ဂျီးရီးယားတွင် ကျဆင်းခဲ့ရသော ရောင်းအားသည်စုစုပေါင်းကျဆင်းခဲ့သောရောင်းအား၏ ထက်ဝက်ခန့်အထိရှိကြောင်း သိရပြီး ကုမ္ပဏီ၏ ရှယ်ယာတန်ဖိုးသည် ပြီးခဲ့သည့် တနင်္လာနေ့၌ အမ်စတာဒမ်တွင် ၇ရာခိုင်နှုန်း ကျဆင်းခဲ့သည်။
Heineken ၏ ထုတ်ပြန်ချက်တွင် စိတ်ဝင်စားစရာကောင်းသည့် အချက်မှာ ၎င်းတို့ထွက်ခွါတော့မည်ဟု ပြောဆိုနေသော ရုရှားစျေးကွက်တွင် ပရီမီယံဘီယာ ရောင်းအားကျဆင်းမှုရှိကြောင်း ဖော်ပြချက်ဖြစ်သည်။
အချက်အလက်စုဆောင်းရရှိမှုများအရ Heineken သည် ယခုအချိန်အထိ ရုရှားတွင် ဘီယာချက်စက်ရုံ ၇ရုံ၊ဝန်ထမ်းပေါင်း ၁၈၀၀ ဖြင့်ဆက်လက်လည်ပတ်လျက်ရှိပြီး ဘီယာတံဆိပ်သစ်တမျိုးပင် ထပ်မံဖြန့်ချိခဲ့သေးသည်ဟု သိရသည်။
CNN သတင်းဌာန၏ ဆက်သွယ်မေးမြန်းမှုတွင် Heineken က ၎င်းတို့အနေဖြင့် ရုရှားကထွက်ခွါမည်မှာ ကျိန်းသေကြောင်းနှင့် လုပ်ငန်းကို ဝယ်ယူမည့်ဝယ်လက်လည်း ရှိထားပြီဖြစ်ကြောင်း၊ သို့သော်လည်း အဆိုပါအရောင်းအဝယ်အတွက် ခွင့်ပြုချက်ကို ရုရှားအစိုးရက ယခုထက်ထိ အတည်မပြုသေးသဖြင့် ကြန့်ကြာနေရကြောင်း ပြန်လည်ဖြေကြားထားသည်။
ကူးယူဖော်ပြခွင့်မပြုပါ။
Source: CNN
Photo: NY breaking
သည့်အပြင် နိုင်ဂျီးရီးယားတွင် ဖြစ်ပွါးခဲ့သည့် အစိုးက စက်သုံးဆီလုပ်ငန်းများ အားလုံးကို နိုင်ငံပိုင်ပြန်လည်ပြုလုပ်လိုက်ခြင်ကြောင့်လည်း နိုင်ဂျီးရီးယားနိုင်ငံအတွင်း စီးပွါးရေး မငြိမ်သက်မှု ဖြစ်ပွါးခဲ့ရပြီး ထိုဖြစ်ရပ်၏ရိုက်ခတ်မှုကို Heineken လည်း ခံစားရကြောင်း CEO က ရှင်းပြသည်။
Heineken ၏ တွက်ချက်ထုတ်ပြန်မှုအရ ဗီယက်နမ်နှင့် နိုင်ဂျီးရီးယားတွင် ကျဆင်းခဲ့ရသော ရောင်းအားသည်စုစုပေါင်းကျဆင်းခဲ့သောရောင်းအား၏ ထက်ဝက်ခန့်အထိရှိကြောင်း သိရပြီး ကုမ္ပဏီ၏ ရှယ်ယာတန်ဖိုးသည် ပြီးခဲ့သည့် တနင်္လာနေ့၌ အမ်စတာဒမ်တွင် ၇ရာခိုင်နှုန်း ကျဆင်းခဲ့သည်။
Heineken ၏ ထုတ်ပြန်ချက်တွင် စိတ်ဝင်စားစရာကောင်းသည့် အချက်မှာ ၎င်းတို့ထွက်ခွါတော့မည်ဟု ပြောဆိုနေသော ရုရှားစျေးကွက်တွင် ပရီမီယံဘီယာ ရောင်းအားကျဆင်းမှုရှိကြောင်း ဖော်ပြချက်ဖြစ်သည်။
အချက်အလက်စုဆောင်းရရှိမှုများအရ Heineken သည် ယခုအချိန်အထိ ရုရှားတွင် ဘီယာချက်စက်ရုံ ၇ရုံ၊ဝန်ထမ်းပေါင်း ၁၈၀၀ ဖြင့်ဆက်လက်လည်ပတ်လျက်ရှိပြီး ဘီယာတံဆိပ်သစ်တမျိုးပင် ထပ်မံဖြန့်ချိခဲ့သေးသည်ဟု သိရသည်။
CNN သတင်းဌာန၏ ဆက်သွယ်မေးမြန်းမှုတွင် Heineken က ၎င်းတို့အနေဖြင့် ရုရှားကထွက်ခွါမည်မှာ ကျိန်းသေကြောင်းနှင့် လုပ်ငန်းကို ဝယ်ယူမည့်ဝယ်လက်လည်း ရှိထားပြီဖြစ်ကြောင်း၊ သို့သော်လည်း အဆိုပါအရောင်းအဝယ်အတွက် ခွင့်ပြုချက်ကို ရုရှားအစိုးရက ယခုထက်ထိ အတည်မပြုသေးသဖြင့် ကြန့်ကြာနေရကြောင်း ပြန်လည်ဖြေကြားထားသည်။
ကူးယူဖော်ပြခွင့်မပြုပါ။
Source: CNN
Photo: NY breaking
