Uncategorized

ဒေါ်လာ ၃၁ ဘီလျံတန်ဖိုးရှိ အိမ်ငှားဝန်ဆောင်မှုကုမ္ပဏီကြီးသည် ကပ်ရောဂါကြောင့် လုပ်ငန်းကိုအကြီးအကျယ်ထိခိုက်ခဲ့ရပြီးနောက်တွင် အများပိုင်ကုမ္ပဏီအဖြစ်သို့ပြောင်းလဲရန် ဆုံးဖြတ်ခဲ့သည်။

Airbnb သည် အများပိုင်ကုမ္ပဏီအဖြစ်သို့ တိတ်တဆိတ်ပြောင်းလဲခဲ့ကြောင်း ဗုဒ္ဓဟူးနေ့က ပြောကြားခဲ့ပြီး ၎င်းသည် sharing economy လုပ်ငန်းများထဲမှ အကြီးဆုံး အများပိုင်ဈေးကွက်ကိုသွားသည့် ကုမ္ပဏီဖြစ်လာမည်ဖြစ်သည်။

Airbnb သည် private value အရဒေါ်လာ ၃၁ ဘီလျံရှိခဲ့ပြီး ယခုအခါ ကုမ္ပဏီက ခရီးသွားလာမှုရပ်တန့်သလောက်ဖြစ်နေသောကာလတွင် အမြတ်ရရှိမှုကွာခြားနိုင်ကြောင်း ရင်းနှီးမြှုပ်နှံသူများကို အသိပေးခဲ့သည်။

Airbnb ၏ Public သို့သွားမည့်ခြေလှမ်းသည် ၂၀၀၈ ခုနှစ်ကမ္ဘာ့စီးပွားရေးပျက်ကပ်ပြီးဆုံးပြီး စမတ်ဖုန်းသုံးစွဲမှု မြင့်တက်လာခြင်းကြောင့် ထွက်ပေါ်လာခဲ့သည့် နည်းပညာလုပ်ငန်းများ၊ start-ups များ၏ အောင်မြင်မှု လှိုင်းလုံးကြီး ပြီးဆုံးပြီဖြစ်ကြောင်း ကြေညာသကဲ့သို့ဖြစ်နေသည်။ မကြာသေးမီက Airbnb ကဲ့သို့sharing economy လုပ်ငန်းများဖြစ်သည့် Uber နှင့် Lyft တို့မှာလဲ အများပိုင်အဖြစ်ပြောင်းလဲခဲ့သည်။

Airbnb ၏ IPO plan သည် ကပ်ရောဂါအတွင်း နည်းပညာကုမ္ပဏီများ၏ ကြံ့ကြံ့ခံနိုင်မှုကို ဖော်ပြနေပြီး ရင်းနှီးမြှုပ်နှံသူအများစုမှာလည်း နည်းပညာစတော့ရှယ်ယာများ ဝယ်ယူရန်ဆိုင်းပြင်းနေကြကြောင်း ဘဏ္ဍာရေးနည်းပညာအကြံပေးလုပ်ငန်း Union Square Advisors ၏ ဥက္ကဌဖြစ်သူ Ted Smith ကဆိုသည်။

Start-ups ကုမ္ပဏီများသည် နည်းပညာကိုကောင်းကောင်းအသုံးချခဲ့သူများဖြစ်ကာ Tech companies များဖြစ်သည့် အာမခံကုမ္ပဏီ Lemondade, စီးပွားရေးအချက်အလက်စုဆောင်းသည့် ကုမ္ပဏီကြီး ZoomInfo တို့မှာ နွေရာသီတွင် အများပိုင်ပြုလုပ်ခဲ့ပြီးနောက် ဈေးများ တဟုတ်ထိုးတက်လာခြင်းက သက်သေပြလျက်ရှိသည်။

အခြား start-ups များဖြစ်သည့် Palnatir, Asana ကုမ္ပဏီများမှာလည်း ယခုနှစ်အတွင်းအများပိုင်သို့သွားရန်ရှိနေသည်။ လုပ်ငန်းအများစုသည် နိုဝင်ဘာလရွေးကောက်ပွဲမတိုင်မီ ဈေးကွက်ထဲရောက်ဖို့ကြိုးပမ်းနေကြခြင်းဖြစ်သည်။

Airbnb ကို ၂၀၀၈ ခုနှစ်တွင် Brain Chesky, Nathan Blecharczyk နှင့် Joe Gebbia တို့ကတည်ထောင်ခဲ့ပြီး အိမ်ပိုင်ရှင်များ၏ လွတ်နေသော အိပ်ခန်းကိုငှားရမ်းခြင်းဖြင့် အပိုဝင်ငွေရရှိအောင် ကူညီပေးခဲ့ကြသည်။ ယင်း platform သည်နိုင်ငံတိုင်းလိုလိုတွင်ရှိနေပြီး အိမ်ခန်းပေါင်း ၇ သန်း listings ရှိနေသည်။ ဗိုင်းရပ်မဖြစ်ပွားခင်ကာလတွင် အခန်း bookings ပြုလုပ်မှုသည် တညလျှင် ဒေါ်လာ ၁ ဘီလျံနီးပါးရှိသည်။ သို့သော် ဗိုင်းရပ်စ်ကြောင့် ယခုနွေဦးတွင် Airbnb ၏၂၀၂၀ ခုနှစ်ဝင်ငွေသည် ထက်ဝက်ကျဆင်းခဲ့သည်။ ကုမ္ပဏီကလည်း ကုန်ကျစရိတ်များ အလျှင်အမြန်ဖြတ်တောက်ခဲ့ရကာ emergency fund အဖြစ် မတည်ခဲ့ပြီး အများပိုင်ကုမ္ပဏီပြောင်းလဲနိုင်ရန်အတွက် ဝန်ထမ်းပေါင်း ၂၀၀၀ နီးပါး အလုပ်ဖြုတ်ပစ်ခဲ့ရသည်။

ပြည်သူများသည် နွေရာသီတွင် ခရီးထွက်ရန် ပြန်လည်စိတ်အားထက်သန်လာသောကြောင့် မေလတွင် Airbnb ၏ဝင်ငွေအနည်းငယ်ပြန်မြင့်တက်လာခဲ့သည်။

Airbnb သည် ၂၀၂၀ ခုနှစ်တွင် အများပိုင်ကုမ္ပဏီအဖြစ်သို့သွားရန် ပြီးခဲ့သည့်နှစ်ကတည်းက ပြင်ဆင်နေခဲ့ခြင်းဖြစ်သည်။ ပြီးခဲ့သည့်လတွင် Chesky က Airbnb သည်အများပိုင်အဖြစ်ပြောင်းလဲတော့မည်ဖြစ်ကြောင်း ဝန်ထမ်းများအား ကြေညာခဲ့ပြီး ကုမ္ပဏီ၏ ဆိုးရွားနေသော အခြေအနေကို အသိပေးခဲ့သည်။

ကူးယူဖော်ပြခြင်းခွင့်မပြုပါ။
Source: The New York Times
Photo: financial times