Lifestyle

Air India နှင့် Vistara လေကြောင်းလိုင်းတို့ ပူးပေါင်းရန် Tata နှင့် စင်္ကာပူလေကြောင်းလိုင်း သဘောတူ

Vistara လေကြောင်းလိုင်းသည် အိန္ဒိယ Tata ကုမ္ပဏီနှင့် စင်္ကာပူလေကြောင်းလိုင်း (SAI) တို့ ပူးတွဲပိုင်ဆိုင်သည့် လေကြောင်းလိုင်းဖြစ်ပြီး Air India မှာမူ Tata မှ အလုံးစုံပိုင်ဆိုင်ထားခြင်းဖြစ်ရာ ယခုပေါင်းစည်းမှုကြောင့် အိန္ဒိယ လေကြောင်းပို့ဆောင်မှုတွင် Tata ၏ အခန်းကဏ္ဍမှာ ပိုမိုကြီးမားလာတော့မည်ဖြစ်သည်။

ကားမှစ၍ သံမဏိအပါအဝင် နယ်ပယ်စုံတွင် ရင်းနှီးမြှပ်နှံထားသည့် အိန္ဒိယ၏ Tata စီးပွားရေး လုပ်ငန်းစုကြီးသည် ယခုပေါင်းစည်းမှုတွင် ရှယ်ယာ ၇၄.၉ ရာခိုင်နှုန်း ပိုင်ဆိုင်မည်ဖြစ်ပြီး စင်္ကာပူလေကြောင်းလိုင်းက ၂၅.၁ ရာခိုင်နှုန်းပိုင်ဆိုင်မည်ဖြစ်ကြောင်း သိရသည်။

ယခုသဘောတူညီချက်တွင် အပြန်အလှန်အားဖြင့် စင်္ကာပူလေကြောင်းလိုင်း (SIA) က Air India တွင် ဒေါ်လာ သန်း ၂၅၀ ပြန်လည်ရင်းနှီးမြှပ်နှံမည်ဖြစ်ပြီး အိန္ဒိယလေကြောင်း အာဏာပိုင်အဖွဲ့အစည်း၊ ဗဟိုဘဏ်နှင့် စီးပွားရေးလက်ဝါးကြီးအုပ်မှု တိုက်ဖျက်ရေးအဖွဲ့တို့၏ ခွင့်ပြုချက် ချထားပေးမှုအပေါ် မူတည်ကာ ပေါင်းစည်းမှုသည် ၂၀၂၄ တွင် အပြီးသတ်နိုင်မည်ဟု မျှော်မှန်းထားကြသည်။

Tata လုပ်ငန်းစုကြီး၏ ဥက္ကဋ္ဌဖြစ်သူ အန် ချန်ဒရာဆီခရန်က ယခုပေါင်းစည်းမှုသည် Air India ကို ကမ္ဘာ့ထိပ်တန်း လေကြောင်းလိုင်းတစ်ခုအဖြစ် ပြန်လည်ဆွဲတင်ပေးနိုင်မည့် မှတ်တိုင်တစ်ခုအဖြစ် မှတ်ချက်ပြုသည်။

Air India သည် စတင်တည်ထောင်စဉ်က ၎င်းတို့၏ မဟာရာဇာပုံ လာဘ်ကောင်လေးနှင့် လေယာဉ်အတွင်းပိုင်း အပြင်အဆင်များကြောင့် လူသိများခဲ့သော်လည်း ၂၀၀၀ ခုနှစ်နောက်ပိုင်းတွင် လေယာဉ်အတွင်းခန်း ယိုယွင်းမှုများ၊ ဝန်ဆောင်မှု ညံ့ဖျင်းမှုများကြောင့် နာမည်ပြန်လည် ကျဆင်းသွားခဲ့ရသည်။

အဆိုပါ လေကြောင်းလိုင်းကို Tata လုပ်ငန်းစုကြီး၏ ကနဦး တည်ထောင်သူဖြစ်သော သူဌေးကြီး JRD Tata က ၁၉၃၂ ခုနှစ်တွင် စတင်တည်ထောင်ခဲ့ခြင်းဖြစ်ပြီး ၁၉၅၃ ခုနှစ်တွင် အိန္ဒိယ အစိုးရပိုင်အဖြစ် ပြောင်းလဲခဲ့ကာ နှစ်ပေါင်းများစွာ ကြာပြီးနောက် Tata လုပ်ငန်းစု၏ လက်ထဲသို့ ပြန်လည် ရောက်ရှိခဲ့ခြင်းဖြစ်သည်။

ယခုပေါင်းစည်းမှုကြောင့် လက်ရှိ အိန္ဒိယလေကြောင်းကဏ္ဍတွင် ဦးဆောင်သူဖြစ်သော IndiGo လေကြောင်းလိုင်းကို ပခုံးခြင်းယှဉ်ပြိုင်လာနိုင်မည်ဖြစ်ကာ အိန္ဒိယပြည်တွင်းတွင် ဈေးကွက်နည်းပါးနေသေးသော SIA အတွက်လည်း ခြေကုပ်ကောင်းကောင်း ရရှိသွားမည်ဖြစ်သည်။

ကူးယူဖော်ပြခွင့်မပြုပါ။
Source: Reuters
Photo: The Online Citizen Asia

အင်ဒိုနီးရှားက တရုတ်ထံ ဆီအုန်း တန်ချိန် ၂.၅ သန်း ရောင်းမည်

သောကြာနေ့က အင်ဒိုနီးရှားရှိ ကုမ္ပဏီ ၉ ခုသည် တရုတ်ဝယ်လက် ၁၃ ဦးထံ ဆီအုန်းတန်ချိန် ၂.၅ သန်း ရောင်းချမည့် စာချုပ်ကို ချုပ်ဆိုနိုင်ခဲ့သည်။

အဆိုပါ ဆီအုန်းထုတ်ကုန်များ၏ စုစုပေါင်းတန်ဖိုးမှာ ကန်ဒေါ်လာ ၂.၆ ဘီလျံ ရှိသည်ဟု အင်ဒိုကုန်သွယ်ရေးဌာန၏ ထုတ်ပြန်ချက်တွင် ဖေါ်ပြထားသည်။

၂ နိုင်ငံအကြား အရောင်းအဝယ်သဘောတူညီချက်မှာ သမ္မတ ဂျိုကို ဝီဒိုဒို တရုတ်ပြည်သို့ ဇူလိုင်လအတွင်း သွားလာခဲ့မှု နောက်ဆက်တွဲရလဒ်ဖြစ်ပြီး တရုတ်အစိုးရသည် ထပ်မံ၍ ဆီအုန်း (မသန့်စင်ရသေးသော) တန်ချိန် ၁ သန်းကို ဝယ်ယူတင်သွင်းဦးမည်ဟုဆိုသည်။

အင်ဒိုနီးရှားသည် တရုတ်ထံသို့ ကျောက်မီးသွေးများကို အများဆုံး တင်ပို့ ရောင်းချနေသည့် နိုင်ငံလည်းဖြစ်သည်။
ပြီးခဲ့သည့် ဩဂုတ်လက ဆိုလျှင် တရုတ်သည် အင်ဒိုနီးရှားထံမှ ကျောက်မီးသွေးတန်ချိန် ၁၅.၈၂ သန်း တင်သွင်းခဲ့ပြီး ဇူလိုင်လတင်သွင်းမှုထက် ၃၅% ပိုမိုများပြားခဲ့သည်။

ဂျာကာတာအစိုးရသည် ပို့ကုန်မြင့်တက်လာစေရေးကို အားပေးသည့်အနေဖြင့် ဇူလိုင်လ အလယ်ခန့်ကတည်းက အခွန်သက်သာခွင့်များ ပေးထားပြီး ယခု နိုဝင်ဘာ လဝက်ကျော်လျင်မူ အခွန်များ ပြန်လည် ပြဌာန်းဖွယ်ရှိနေသည်။

ကူးယူဖေါ်ပြခြင်းခွင့်မပြုပါ။
Source: Channel News Asia, Reuters Business, South China Morning Post
Image: Reuters Business

တရုတ်ထုတ်လေယာဉ် အော်ဒါအစီးရေ ၃၃၀ လက်ခံရရှိ

တရုတ်အစိုးရပိုင် လေယာဉ်ထုတ်လုပ်ရေးလုပ်ငန်းဖြစ်သော ကောမက် – Comac (The Commercial Aircraft Corporation of China, Ltd) သည် လေယာဉ်အငှားကုမ္ပဏီအများအပြားထံမှ လေယာဉ် အစီးရေစုစုပေါင်း ၃၃၀ စီး မှာယူမှုကို လက်ခံရရှိခဲ့သည်ဟု တရုတ်ပြည်တွင်းသတင်းဌာန ရိခိုင် – Yicai က ဖေါ်ပြခဲ့သည်။

ကျူးဟိုင်တွင် အင်္ဂါနေ့က တရုတ်ပြည်၏အကြီးဆုံး လေကြောင်းပြပွဲပြုလုပ်ခဲ့ရာ COMAC ကုမ္ပဏီက အဆိုပါအော်ဒါများ ရရှိခြင်းကို ပြောကြားခဲ့ခြင်းဖြစ်ပြီး အစီးရေ ၃၀၀ မှာ ကိုယ်ထည်သေးသွယ်သော ဂျက်လေယာဉ်မော်ဒယ် C919s များ ဖြစ်ပြီး အခြား အစီး ၃၀ မှာ ARJ21 ပြည်တွင်းသုံး ဂျက်လေယာဉ်များဟု ဆိုသည်။

COMAC သည် လာမည့် ဒီဇင်ဘာလတွင် ၎င်းတို့၏ ပထမဆုံး C919 လေယာဉ်အား ဖေါက်သည် လေကြောင်းလိုင်း China Eastern သို့ ပေးပို့တော့မည်ဖြစ်သည်။

လေကြောင်းပြပွဲတွင် တရုတ်လေယာဉ်ထုတ်လုပ်ရေးကုမ္ပဏီသည် အခြားအကျိုးအမြတ် ၁ ခု အနေဖြင့် ကမ္ဘာကျော် ဘိုးရင်းလေယာဉ်ထုတ်လုပ်ရေးကုမ္ပဏီနှင့် လေကြောင်းသုတေသနလုပ်ငန်းများ ပူးပေါင်းလုပ်ဆောင်သွားရန်လည်း သဘောတူညီမှုရရှိခဲ့သည်ဟု ဥရောပသတင်းဌာန EuroNews က ဖေါ်ပြခဲ့သည်။

ကူးယူဖေါ်ပြခြင်းခွင့်မပြုပါ။
Source: EuroNews, Reuters, COMAC CC, Air Data News
Image: Airline Geeks

Facebook မိခင်ကုမ္ပဏီက ဝန်ထမ်းအမြောက်အများ လျှော့ချမည်

လူမှုမီဒီယာများဖြစ်သော Facebook, Instagram တို့နှင့် WhatsApp စသော လုပ်ငန်းများကို ပိုင်ဆိုင်သည့် Meta သည် ဝန်ထမ်းဦးရေ အမြောက်အများလျှော့ချရန် ယခု သီတင်းပတ်အတွင်း စီစဉ်နေကြောင်း သိရသည်။

အမှုဆောင်ချုပ်ဖြစ်သူ မတ်ခ် ဇူကာဘတ်က ၎င်းတို့အနေဖြင့် ၂၀၂၃ တွင် အဓိကဦးစားပေးရွေးချယ်ထားသော နယ်ပယ်အချို့တွင်သာ ရင်းနှီးမြှုပ်နှံမှုများကို အာရုံစိုက်လုပ်ဆောင်သွားမည်ဟုလည်း ပြောကြားခဲ့သည်။
အထူးသဖြင့် လူမှုမီဒီယာ ဖေ့ဘုတ်သည် စီးပွားရေးအခက်အခဲများအကြား ကြော်ငြာရှင်များ၏ ကြော်ငြာစရိတ်လျှော့ချမှုများကို ကြုံနေရသည်။

ကြော်ငြာစရိတ်လျှော့ချမှုများဒဏ်ကို Facebook ဖေ့ဘုတ် တခုတည်းသာမကပဲ နည်းပညာကုမ္ပဏီဖြစ်သော Google ၏ မိခင်ကုမ္ပဏီ Alphabet လည်း ကြုံတွေ့နေရပြီး ပြီးခဲ့သည့် ကြာသပတေးနေ့က နည်းပညာလုပ်ငန်းများစုဝေးရော Silicon Valley ရှိ Stripe, Lyft တို့သည်လည်း ဝန်ထမ်း အမြောက်အများ လျှော့ချကြောင်း ကြေညာခဲ့သည်ကို တွေ့ရသည်။

မကြာသေးမီက လူမှုကွန်ယက်မီဒီယာ တခုဖြစ်သော Twitter သည်လည်း ပိုင်ရှင်သစ် အီလွန်မတ်စ် ပေါ်လာပြီးနောက် ဝန်ထမ်း ၃,၅၀၀ ခန့်ကို ထုတ်ပယ်ခဲ့သည်။

ဖေ့ဘုတ် Facebook, Instagram တို့၏ မိခင် Meta ကုမ္ပဏီသည် လက်ရှိတွင် ကမ္ဘာတဝှမ်း ဝန်ထမ်း ၈၇,၀၀၀ ခန့်ဖြင့် လည်ပတ်နေသည်။
၎င်းတို့အနေဖြင့် လာမည့် နှစ်များတွင် ဒုတိယကမ္ဘာသစ်ဖြစ်သော ဒစ်ဂျစ်တယ် Metaverse ဖြစ်ပေါ်လာရေးကို ပိုမိုအာရုံစိုက်လိုနေသည်။

ကူးယူဖေါ်ပြခြင်းခွင့်မပြုပါ။
Source: BBC Business, Meta, Mint, Daily Mail
Image: George Town News – Graphic

ယူကရိန်းထုတ်ကုန်များ ပင်လယ်နက်မှ တင်ပို့ခွင့် သဘောတူညီချက်တွင် ရုရှားပြန်လည် ပူးပေါင်း

ပင်လယ်နက်ကို ဖြတ်သန်း၍ ယူကရိန်း၏ ထုတ်ကုန်များကို သင်္ဘောများဖြင့် တင်ပို့ခွင့် သဘောတူညီချက်တွင် ပါဝင်မပူးပေါင်းတော့ကြောင်း ကြေငြာခဲ့ပြီး ရက်အတော်ကြာတွင် ရုရှားဘက်မှ ပြန်လည်စိတ်ပြောင်းသွားခဲ့ကာ ပြန်လည်ပူးပေါင်းမည်ဖြစ်ကြောင်း သိရသည်။

ယူကရိန်းသည် ၎င်းတို့နှင့် သဘောတူညီထားသည့် ပင်လယ်နက် စီးပွားရေးလမ်းကြောင်းကို ထုတ်ကုန်များ တင်ပို့ရန်သာမက ခရိုင်းမီးယားရှိ ၎င်းတို့၏ တပ်များကို တိုက်ခိုက်ရန် အသုံးချနေကြောင်း ရုရှားက စွပ်စွဲခဲ့ပြီး ပူးပေါင်းမှုမှ ထွက်ခွာခဲ့ခြင်းဖြစ်သည်။

သို့သော်လည်း ကုလသမဂ္ဂနှင့် တူရကီနိုင်ငံတို့၏ ပူးပေါင်းပါဝင်မှုဖြင့် အဆိုပါ ပင်လယ်နက်လမ်းကြောင်းမှ နေ၍ သင်္ဘောများ ဆက်လက်ဖြတ်သန်းကာ ယူကရိန်း ထုတ်ကုန်များကို ဆက်လက်တင်ပို့နေခဲ့ကြသည်။

အဆိုပါ ပင်လယ်နက်လမ်းကြောင်းမှာ ရုရှားတပ်များ၏ ပိတ်ဆို့မှုကြောင့် ငါးလခန့် အဆက်အသွယ်ပြတ်ေတောက်ခဲ့ရပြီး ယူကရိန်း၏ အဓိက ထုတ်ကုန်များဖြစ်သော နေကြာဆီနှင့် အစေ့၊ အနှံများမှာလည်း ကမ္ဘာ့ဈေးကွက်တွင် ဈေးနှုန်းကြီးမြင့်မှုနှင့် ကြုံတွေ့ခဲ့ရသည်။

သည့်နောက်တွင် တူရကီနှင့် ကုလသမဂ္ဂတို့၏ ကြားဝင်စေ့စပ်ပေးမှုဖြင့် ဇူလိုင်လတွင် သဘောတူညီချက်ရရှိခဲ့ပြီးနောက် ပင်လယ်နက်၏ ဆိပ်ကမ်းများတွင် ပိတ်မိနေသည့် ယူကရိန်း၏ တန်နှင့်ချီသော နေကြာဆီများနှင့် အစေ့အနှံများကို ကမ္ဘာ့ဈေးကွက်သို့ ပြန်လည်ပို့ဆောင်နိုင်ခဲ့သည်။

အဆိုပါသဘောတူညီချက်သည် နိုဝင်ဘာ၁၉တွင် ကုန်ဆုံးမည်ဖြစ်သော်လည်း ကုလသမဂ္ဂအပါအဝင် ပါဝင်သော နိုင်ငံများက ပြန်လည် သက်တမ်းတိုးနိုင်မည်ဟု မျှော်လင့်ထားကြပြီး အဆိုပါ ပင်လယ်နက်ဆိပ်ကမ်းလမ်းကြောင်း ပြန်ဖွင့်သည့် အချိန်မှစ၍ ယခုအချိန်အထိ နေကြာဆီ၊ ပဲပိစပ်နှင့် အခြားအစေ့အနှံပေါင်း တန်ချိန် ၉.၈ သန်းခန့် ကမ္ဘာ့ဈေးကွက်သို့ ဖြန့်ဖြူးပေးနိုင်ခဲ့ကြောင်း သိရသည်။

ရုရှားအနေဖြင့် ယခင်သဘောတူညီချက်သို့ ပြန်လည်ပူးပေါင်းလာသော်လည်း ရုရှားကာကွယ်ရေး ဝန်ကြီးဌာနက ယူကရိန်းအနေဖြင့် အဆိုပါ ကုန်သွယ်ရေး ရေလမ်းကြောင်းကို စစ်ရေးအတွက် အသုံးပြုမည်မဟုတ်ကြောင်း ကတိပြုလွှာ ထုတ်ပြန်ပေးရန် အလိုရှိနေသည်။

ဂျာမနီနိုင်ငံခြားရေး ဝန်ကြီးကတော့ နိုင်ငံတကာအဖွဲ့အစည်းများအနေဖြင့် ရုရှား၏ အကြပ်ကိုင်မှုများကို လစ်လျူရှု၍ လုပ်သင့်သည်ကို ဆက်လက်လုပ်ဆောင်နေပါက ယခုကဲ့သို့ ရလဒ်ထွက်ပေါ်လာမည်မှာ သာဓကဖြစ်ကြောင်း ဆိုခဲ့သည်။

ကူးယူဖော်ပြခွင့်မပြုပါ။
Source: BBC, CAN
Photo: UN News

ရှန်ဟိုင်း Disney ပန်းခြံ ကိုဗစ်ကြောင့် ရုတ်တရက် ပိတ်ချ၊ ခရီးသွားများ အထဲတွင် ပိတ်မိ

ယမန်နေ့ တနင်္လာနေ့တွင် ရှန်ဟိုင်းရှိ Disney ပန်းခြံကို ကိုဗစ် ကာကွယ်ရေး စီမံချက်အရ ရုတ်တရက် ပိတ်ချလိုက်ပြီး ကြေငြာချက် ထုတ်ပြန်သည့်အချိန် အထဲတွင် ရှိနေသည့် လာရောက်လည်ပတ်သူများကို ကိုဗစ်မရှိကြောင်း စစ်ဆေးပြီးမှ ပြန်လည်ထွက်ခွင့်ပေးမည်ဖြစ်ကြောင်း သိရသည်။

ပန်းခြံကို ပိတ်ချလိုက်သည့် အချိန်သည် တရုတ်စံတော်ချိန် နေ့လည် ၁၁း၃၉ တွင်ဖြစ်ပြီး ပန်းခြံနှင့် ကစားကွင်းသာမက အနီးနာ ဧရိယာရှိ ပွဲဈေးတန်းများပါ lock down ချသည့် အထဲတွင် ပါဝင်သွားကြောင်း သိရသည်။

ရှန်ဟိုင်း အုပ်ချုပ်ရေးအဖွဲ့၏ WeChat တွင်တော့ လတ်တလောတွင် ပန်းခြံထဲသို့ အဝင်အထွက် ပြုလုပ်ထားခြင်းကို ယာယီဆိုင်းငံ့ထားမည်ဖြစ်ကြောင်းနှင့် လာရောက်လည်ပတ်သူများအနေဖြင့် ကိုဗစ်ကင်းရှင်းကြောင်း စစ်ဆေးပြီးချိန်အထိ အထဲတွင် စောင့်ဆိုင်းကြရန် ကြေငြာချက်ထုတ်ပြန်ထားသည်။

အဆိုပါ WeChat ကြေငြာချက်တွင် ပြီးခဲ့သည့် အောက်တိုဘာ ၂၇ ရက်နေ့မှ စ၍ ယမန်နေ့အထိ လာရောက် လည်ပတ်ခဲ့သူများအနေဖြင့်လည်း ကိုဗစ်ကင်းရှင်းကြောင်းကို တစ်ရက်လျှင် တစ်ကြိမ်နှုန်းဖြင့် သုံးရက်တိတိ စစ်ဆေးရမည်ဖြစ်ကြောင်း ပါရှိသည်။

Disney ပန်းခြံ၏ ပြောရေးဆိုခွင့်ရှိသူက အထဲတွင် ပိတ်မိသူများအတွက် ကစားကွင်းနှင့် စီးစရာများကို အကန့်အသတ်ဖြင့် လည်ပတ်ပေးနေဦးမည်ဖြစ်ပြီး အစိုးရက ချမှတ်ထားသည့် စည်းမျဉ်းများနှင့်အညီ ပန်းခြံထဲတွင် ဝန်ဆောင်မှုပေးနေမည်ဖြစ်ကြောင်း ပြောကြားခဲ့သည်။

ရှန်ဟိုင်း Disney ပန်းခြံသည် ယခုနှစ်အစောပိုင်းတွင်လည်း ကိုဗစ်ကာကွယ်ရေး စည်းမျဉ်းကြောင့် ၃လခန့် ရပ်နားခဲ့ရဖူးပြီး ယမန်နှစ် နိုဝင်ဘာတွင်လည်း ယခုကဲ့သို့ ရုတ်တရက် ပိတ်ချခဲ့မှုကြောင့် လာရောက်လည်ပတ်သူ ၃သောင်းခန့်သည် ပန်းခြံထဲတွင် နှစ်ရက်ခန့် ပိတ်မိနေခဲ့သေးသည်။

ယမန်နေ့က ဖြစ်ရပ်တွင် ကြေငြာချက်ကို သိရှိချိန်၌ ပိတ်ထားသည့် ပန်းခြံဂိတ်တံခါးဆီသို့ ပြေးလွှားနေသည့် လူအုပ်ကြီးကို တရုတ်လူမှုကွန်ရက်ဖြစ်သည့် Weibo တွင် တွေ့မြင်ခဲ့ရပြီး ပန်းခြံတာဝန်ရှိသူများတော့ အထဲတွင် ပိတ်မိနေသည့် လူဦးရေ အတိအကျကို မသိရှိသေးကြောင်း ပြောကြားခဲ့သည်။

တရုတ်တာဝန်ရှိသူများအတွက်မူ ယခုကဲ့သို့ ကိုဗစ်ကာကွယ်ရေး စည်းမျဉ်းကို တင်းတင်းကြပ်ကြပ်ကိုင်တွယ်မှုသည် အထူးအဆန်းမဟုတ်ဘဲ နိုင်ငံ၏ ဇီးရိုးကိုဗစ် ပေါ်လစီအရ ကိုဗစ်ဖြစ်ပွားမှု သတင်းရသည်နှင့် တပြိုင်နက် အလွန်အကြူးထိန်းချုပ်မှုကို ပြုလုပ်နေကြဖြစ်သည်။

ကူးယူဖော်ပြခွင့်မပြုပါ။
Source: Reuters, BBC
Photo: The Economic Times

Twitter ကို ဝယ်ရန် Elon Musk ပြန်လည်နီးစပ်ကာ Dodge Coin ဈေးတက်

သောကြာနေ့တွင်မှ လူမှုမီဒီယာ ၁ ခု ဖြစ်သည့် Twitter ဝယ်ယူရေးကိစ္စကို အပြီးသတ်ရမည်ဖြစ်သော်လည်း ယနေ့ ကြာသပတေးနေ့တွင်ပင် အသက် ၅၁ နှစ်အရွယ်ရှိ ကမ္ဘာ့အချမ်းသာဆုံးသူဌေး အီလွန်မက်ခ်စ်သည် ဆန်ဖရန်စစ္စကိုရှိ Twitter ရုံးချုပ်သို့ လက်ဆေးသည့် ဘေစင် (Sink) ကြီး ကိုင်ကာ ဝင်ချလာခဲ့သည်။

အီလွန်မက်ခ်စ် (Elon Musk) နှင့် Twitter တို့အကြား ဒေါ်လာ ၄၄ ဘီလျံဖြင့် လုပ်ငန်းတန်ဖိုးဖြတ်ထားသည့်နောက် အီလွန်က မဝယ်ယူသည့်အတွက် အပြန်အလှန် တရားစွဲခဲ့ကြသည်။
သို့သော်လည်း တရားရုံးအမိန့်ချချက်အရ အီလွန်၏ တွစ်တာကို ဝယ်ယူရေးကိစ္စကို သောကြာနေ့ (မနက်ဖြန်) တွင် အပြီးသတ်ရမည်ဖြစ်သည်။

Twitter ရုံးချုပ်အတွင်းသို့ ဘေစင်ကိုင်၍ ဝင်လာသော ၉ စက္ကန့်ကြာ ဗီဒီယိုကိုလည်း တွစ်တာပေါ်တွင် အီလွန်က တင်ခဲ့သည်။

အဆိုပါ သတင်းနှင့်အတူ အီလွန်မက်ခ်စ်အားပေးသည့် ဒစ်ဂျစ်တယ်ငွေကြေး Cryptocurrency ၁ ခုဖြစ်သည့် Dodge coin သည်လည်း ၁ ရက်အတွင်း ၂၁.၂၂% ဈေးတက်လာကာ ၁ ယူနစ်လျှင် ဝ.၀၇၂ ဒေါ်လာ သို့ ရောက်ရှိလာသည်။ (ယခုသတင်းရေးနေချိန်တွင် Dodge Coin မှာ တန်ဖိုးဆက်လက်မြင့်တက်နေသည်။)

ကူးယူဖေါ်ပြခြင်းခွင့်မပြုပါ။
Source: The New York Times, Coinmarket Cap, Market Watch, FxStreet, Crypto Flash News
Image: Twitter

ကမာၻ႕ဖလားအတြက္ ကာတာေလေၾကာင္း ဝန္ထမ္း ၁၀,၀၀၀ ခန္႔မည္

ဒိုဟာအေျခစိုက္ေလေၾကာင္းလိုင္းျဖစ္ေသာ Qatar Airways သည္ လက္ရွိတြင္ ဝန္ထမ္းဦးေရ ၄၅,၀၀၀ ခန္႔ျဖင့္ လည္ပတ္ေနၿပီး လုပ္သားအင္အားကို ၅၅,၀၀၀ ေက်ာ္ ထပ္မံျဖည့္တင္းသြားမည္ဟု အမည္မေဖၚလိုသူ ဝန္ထမ္း ၁ ဦးက ေျပာၾကားခဲ့သည္။
ကာတာေလေၾကာင္း – Qatar Airways သည္ ႏိုင္ငံအတြင္း ကမာၻ႕ဖလားေဘာလံုးပြဲ လက္ခံက်င္းပမည့္အခ်ိန္၌ စုျပံဳဝင္လာၾကမည့္ ခရီးသည္မ်ားအေပၚ ဝန္ေဆာင္မႈေပးႏိုင္ရန္ ဝန္ထမ္းသစ္ ၁ ေသာင္း ခန္႔အပ္လိုေနျခင္းျဖစ္ေၾကာင္း ရိုက္တာက ေဖၚျပခဲ့သည္။

ေလေၾကာင္းကုမၸဏီက အလုပ္ေနရာ မည္မွ်သည္ အျမဲတမ္းခန္႔ ဝန္ထမ္းျဖစ္လာမည္ဆိုသည္ကိုမူ ေျဖၾကားရန္ ျငင္းဆန္ခဲ့သည္။
ကပ္ေဘးအတြင္းက ေလေၾကာင္းလိုင္းသည္ ဝန္ထမ္းအေရအတြက္ ၃၇,၀၀၀ အထိသာ ခန္႔ထားခဲ့ၿပီး ဝန္ထမ္းဦးေရ ေသာင္းဂဏန္းခန္႔ ေလွ်ာ့ခ်ခဲ့ဖူးသည္။

ကပ္ေဘးမတိုင္မီက ကမာၻအရပ္ရပ္သို႔ ေနရာေပါင္း ၁၅၀ သို႔ ပ်ံသန္းေျပးဆြဲခဲ့ေသာ္လည္း ၂၀၂၀ တြင္ ျမိဳ႕ေပါင္း ၃၃ ၿမိဳ႕သို႔သာ ေလွ်ာ့ခ် ေျပးဆြဲခဲ့သည္။

ကာတာႏိုင္ငံသည္ အေရွ႕အလယ္ပိုင္းႏိုင္ငံမ်ားတြင္ ကမာၻ႕ဖလားကို လက္ခံက်င္းပခြင့္ရေသာ ပထမဆံုး ႏိုင္ငံလည္း ျဖစ္လာမည္ျဖစ္သည္။
Qatar Airways သည္ လြန္ခဲ့ေသာလက အာဖရိကအတြင္း လူ႕စြမ္းအားအရင္းအျမစ္တိုးတက္ေစေရးအတြက္ ေလေၾကာင္းက႑ကို အဓိကက် ဖြံ႕ၿဖိဳးေစကာ အလုပ္အကိုင္မ်ား ဖန္တီးေပးသြားမည္ဟုလည္း ထုတ္ျပန္ခဲ့ဖူးသည္။

ကူးယူေဖၚျပျခင္းခြင့္မျပဳပါ။
Source: Economic Times: India Times, Reuters Business, Simple Flying, Gulf Times
Image: Vacations & Travel

အိန္ဒိယထုတ် ချောင်းဆိုးပျောက်ဆေးကြောင့် ဂမ်ဘီယာတွင် ကလေးငယ် ၇၀ ခန့် သေဆုံးမှုဖြစ်ပွား

အိန္ဒိယရှိ Maiden Pharmaceuticals မှ ထုတ်လုပ်သည့် ချောင်းဆိုးပျောက်ဆေး အမှတ်တံဆိပ် ၄မျိုးခန့်သည် ဂမ်ဘီယာတွင် ကလေးငယ် အယောက် ၇၀ ခန့် သေဆုံးရသည့် ဖြစ်စဉ်နှင့် ဆက်စပ်နေကြောင်း တွေ့ရှိရသဖြင့် ကမ္ဘာ့ကျန်းမာရေးအဖွဲ့အစည်း (WHO) နှင့် အိန္ဒိယအစိုးရတို့က ပူးပေါင်းစစ်ဆေးလျက်ရှိသည်။

ကမ္ဘာ့ကျန်းမာရေးအဖွဲ့အစည်း (WHO) က အဆိုပါ ချောင်းဆိုးပျောက်ဆေး အမှတ်တံဆိပ် (၄)မျိုးကို မသုံးစွဲကြရန် သတိပေးချက် ထုတ်ပြန်ထားခဲ့ပြီး ကုမ္ပဏီအနေဖြင့် စုံစမ်းမှုများ မပြီးမခြင်း ထုတ်လုပ်မှု လုပ်ငန်းများကို ရပ်တန့်ထားရန် အိန္ဒိယအစိုးရက အမိန့်ထုတ်ပြန်ထားသည်။

ဓါတ်ခွဲစစ်ဆေးချက်များအရ အဆိုပါချောင်းဆိုးပျောက်ဆေးများတွင် ဒိုင်အီသိုင်လင်း ဂလိုင်ကော (Diethylene glycol) နှင့် အီသိုင်လင်း ဂလိုင်ကော (Ethylene glycol) ပစ္စည်းများသည် သတ်မှတ်ထားသည့် ပမာဏထက် များပြားနေသည်ဟု WHO ၏ ထုတ်ပြန်ချက်တွင် ပါရှိသည်။

အိန္ဒိယအစိုးရက ကုမ္ပဏီသည် ကုန်ထုတ်လုပ်မှု အဆင့်ဆင့်တွင် လုပ်ဆောင်ရမည့် စစ်ဆေးချက်များကို လုပ်ဆောင်ရန် ပျက်ကွက်ခဲ့ကြောင်း ကောက်ချက်ချထားပြီး အဆိုပါ ချောင်းဆိုးပျောက်ဆေးများသည် ဂမ်ဘီယာတစ်နိုင်ငံတည်းသို့သာ တင်ပို့ထားကြောင့် ကုမ္ပဏီနှင့် အိန္ဒိယအစိုးရက အတည်ပြုထားသည်။

သို့သော်လည်း WHO ၏ ထုတ်ပြန်ချက်တွင်တော့ ဂမ်ဘီယာနှင့် နီးစပ်သည့် ဧရိယာများတွင် တရားမဝင်ဈေးကွက်များမှတဆင့် အဆိုပါ ချောင်းဆိုးပျောက်ဆေးများ ပြန့်နှံ့နေနိုင်သဖြင့် နီးစပ်ရာဒေသများကိုလည်း သတိပေးချက် ထုတ်ပြန်ထားကြောင်း သိရသည်။

Maiden ကုမ္ပဏီကတော့ ၎င်းတို့အနေဖြင့် မီဒီယာများတွင် ပါရှိလာသည့် သတင်းများကြောင့် တုန်လှုပ်မိကြောင်းနှင့် ဆုံးရှုံးခဲ့ရသည့် မိသားစုများနှင့် အတူဝမ်းနည်းမိကြောင်း ထုတ်ပြန်ခဲ့သလို မိမိတို့အနေဖြင့် နိုင်ငံတကာ စံချိန်စံညွှန်းများကို အမြဲလိုက်နာကျင့်သုံးကြောင်း ဆင်ခြေကန်ထားသည်။

သို့သော်လည်း ၎င်းတို့ကုမ္ပဏီသည် ပြည်တွင်းမှာပင် မှတ်တမ်းဆိုးများပိုင်ဆိုင်ထားပြီး
-၂၀၁၁ ခုနှစ်တွင် ဒေသန္တရ စံချိန်စံညွှန်းများနှင့် မညီသော ဆေးဝါးများ ရောင်းချမှုဖြင့် ဘီဟာပြည်နယ်တွင် အမည်ပျက်စာရင်း ထည့်သွင်းခံရခြင်း၊
-၂၀၁၈ တွင် အရည်အသွေးစစ်ဆေးချက်များ ကောင်းမွန်စွာ မလုပ်ဆောင်မှုကြောင့် အိန္ဒိယ ဆေးဝါးကွပ်ကဲမှုဌာန၏ အရေးယူခံရခြင်းနှင့်
-၂၀၂၀ နှင့် ၂၀၂၂ ခုနှစ်များတွင် ဂျမ္မူးပြည်နယ်၊ ကတ်ရှ်မီးယားပြည်နယ်နှင့် ကီရာလာပြည်နယ်တို့တွင် အရေးအသွေး စစ်ဆေးချက် မအောင်မြင်ခြင်းတို့ဖြစ်ကြသည်။

သည့်အပြင် ၎င်းတို့ကုမ္ပဏီသည် ဗီယက်နမ်အစိုးရ၏ နာမည်ပျက်စာရင်း ထည့်သွင်းခြင်းခံရသော အိန္ဒိယ ဆေးဝါးကုမ္ပဏီ အခု ၄၀ တွင် တစ်ခုအပါအဝင်ဖြစ်ကြောင်းလည်း သိရသည်။

ကူးယူဖော်ပြခွင့်မပြုပါ။
Source: BBC, CNA
Photo: SCMP

ဘီလျံနာ အီလွန်မက်စ် ရေမွှေးထုတ်ရောင်းပြန်

Tesla လျှပ်စစ်ကားနှင့် SpaceX အာကာသယာဉ်လုပ်ငန်းများကိုပိုင်ဆိုင်သော အီလွန်မက်စ်သည် ၎င်းပိုင် Boring ကုမ္ပဏီမှ “မီးကျွမ်းထားသည့် အမွေး” (Burnt Hair) ဟု အမည်ပေးထားသည့် ရေမွှေးပုလင်း ၁၀,၀၀၀ ရောင်းချနိုင်ခဲ့ကြောင်း ကြေညာခဲ့သည်။

အီလွန်၏ ရေမွှေးမှာ ၁ ပုလင်းလျှင် ဒေါ်လာ ၁၀၀ ဖြစ်သောကြောင့် ကုမ္ပဏီ အနေဖြင့် ဒေါ်လာ ၁ သန်း ရရှိခဲ့သည်ဟုဆိုသည်။
၎င်းတို့ဝက်ဘ်ဆိုက်တွင် ရေမွှေးအား ညွှန်းထားသည့် စာသားမှာ “မနှစ်မြို့ဖွယ်ရာ ဆန္ဒ၏ အနှစ်သာရ” – The essence of repugnant desire ဟူ၍ ဖြစ်သည်။

အီလွန်မက်စ် အနေဖြင့် ယခုကဲ့သို့ အသုံးအဆောင်ပစ္စည်းငယ်များကို စတန့်ထွင်၍ ယခင်ကလည်း ရောင်းချခဲ့ဖူးသည်။
ယနေ့မနက် တွစ်တာတွင် သူက “တွစ်တာကို ဝယ်နိုင်ဖို့ ကျွန်တော့်ရေမွှေးတွေကို ဝယ်ကြပါ” ဟုလည်း ရေးသားခဲ့သေးသည်။

အီလွန်မက်စ်သည် အငြင်းပွားဖွယ်ရာ ကိစ္စအဖြစ် လူမှုမီဒီယာ တွစ်တာ – Twitter အား ရှယ်ယာ ၁ စု လျှင် ဒေါ်လာ ၅၄.၂၀ နှုန်းပေးကာ လုပ်ငန်း ၁ ခုလုံးအား ဒေါ်လာ ၄၄ ဘီလျံဖြင့် ဝယ်မည်ဟု ကမ်းလှမ်းခဲ့သေးသည်။
ယင်းနောက် ဈေးပေးပြီးမှ မဝယ်ခဲ့ခြင်းအပေါ် တွစ်တာက တရားစွဲဆိုထားသလို အီလွန်မက်စ်ကလည်း တွစ်တာအပေါ် တန်ပြန်တရားစွဲမှု ပြုလုပ်ထားသည်။
၎င်းအနေဖြင့် ထိုအမှုကို လာမည့် အောက်တိုဘာ ၁၇ ရက်တွင် ကြားနာရမည်ဖြစ်သော်လည်း ရုံးချိန်း ရွှေ့ဆိုင်းထားနိုင်ခဲ့သည်။

အီလွန်မက်စ်သည် ယခင်က Tesla တကီလာ အရက်ပုလင်းနှင့် S-3-X-Y ဟုအမည်ပေးထားသည့် အတွင်းခံများကိုလည်း အောင်ပွဲခံသည့် အနေဖြင့် ထုတ်ရောင်းခဲ့သေးသည်။

ကူးယူဖေါ်ပြခြင်းခွင့်မပြုပါ။
Source: Reuters, Fox 35 Orlando, Driving CA, CB Insights, Teslarati
Image: Happy Mag