ရွှေမှာ ရင်းနှီးမြှုပ်နှံတော့မှာလား

အားလုံးပဲ မင်္ဂလာပါခင်ဗျ။ များများသင်ထားရင် ဒါမှမဟုတ် များများသာ သိနေ၊ တတ်နေမယ်ဆိုရင် အကျိုးအမြတ်တွေလည်းများများ ရှိနေမယ်ဆိုတဲ့ Warren Buffet ရဲ့ The more
you learn, the more you earn. နဲ့ စတင် နှုတ်ဆက်လိုက်ပါတယ်။

ခုတခါတော့ ရွှေ နဲ့ ပက်သက်လို့ မဖြစ်မနေသိထားရမယ့် Common Factors တွေကို ဖေါ်ပြပေးလိုက်ပါတယ်။ ရွှေကို ရေတို၊ ရေရှည် ရင်းနှီးမြုပ်နှံမယ့် သူတွေအတွက်ပေါ့။ အချို့
သူတွေအတွက် ဒီအချက်အလက်လေးတွေကို စနစ်တကျ တွက်ချက်နေမယ်ဆိုရင် စွန့်စားရမယ့် Risks တွေနည်းပြီး သေချာပေါက်အကျိုးရှိမှာပါ။

ရွှေဈေး အတက်အကျတွေကိုတော့ ဒီအချက်တွေက လွှမ်းမိုးနေပါတယ်။

(၁) အမေရိကန်ပြည်ထောင်စု ဗဟိုဘဏ်ရဲ့ ငွေကြေးမူဝါဒ နဲ့ အလျဉ်းသင့်သလို ထုတ်ပြန်နေတဲ့ ညွှန်ကြားချက်များ
အမေရိကန်ပြည်ထောင်စုရဲ့ စီးပွားရေးအခြေအနေကို တည်တည်ငြိမ်ငြိမ်ဖြတ်သန်းဖို့ အတိုးနှုန်း အတက်အကျတွေ၊ ဗဟိုဘဏ်မှာ ထားရှိမယ့် အရံ ရွှေ ပမာဏတွေ၊ ငွေတို
က်စာချုပ် ရောင်းချမှုတွေနဲ့ ပက်သက်ပြီး ကြေညာမှုတွေဟာ ရွှေဈေး ပြောင်းလဲမှုကို ဖြစ်ပေါ်စေပါတယ်။ အမေရိကန် ဒေါ်လာနဲ့ ရွှေဈေးဟာ ကမ္ဘာ့စီးပွားရေးကို ချိန်ထိုးထားတဲ့
အရောင်းအဝယ် အတွဲဖြစ်ပါတယ်။ (ဥပမာ – US ဒေါ်လာဈေးကျစေမယ့် စီးပွားရေး ဆုံးရှုံးမှုတွေဖြစ်တဲ့ သီတင်းပတ်၊ လ မှာ ရွှေဈေးဟာ စုဆောင်းသူတွေရဲ့ အကြိုက် သိသိသာ
သာတက်လာမှာဖြစ်ပါတယ်)။ ဒါပေမယ့် ဒီအချက်ကို လက်လွတ်စံပယ်ပြောတာတော့မဟုတ်ပါဘူးခင်ဗျ။ ကမ္ဘာအရပ်ရပ်က ရင်းနှီးမြုပ်နှံသူတွေ၊ တစ်သီးပုဂ္ဂလ စုဆောင်းသူတွေဟာ
ကမ္ဘာ့ အရံငွေကြေးဖြစ်တဲ့ အမေရိကန်ဒေါ်လာကို အားကိုးလို့မရတဲ့ အချိန်တွေမှာ အခြား ခိုင်မာတဲ့ ငွေကြေးတွေကိုလည်း ဝယ်ယူထားတတ်ကြပါသေးတယ်။ ရွှေကို အာရုံကျတဲ့
အထိလောက်တော့ မဟုတ်ဘူးပေါ့။ ဘဏ်တွေမှာ အရံ ရွှေ သတ်မှတ်ပမာဏထားရှိသင့်တဲ့ဆိုတာက Conservative Concept တစ်ခုဖြစ်တာကြောင့် ဖြစ်နိုင်မယ်ဆိုရင်တော့ ဗဟို
ဘဏ်ကြီးတွေရဲ့ အရံရွှေ သတ်မှတ်ပမာဏ အပြောင်းအလဲ ထုတ်ပြန်ချက်တိုင်းကို သတိရှိနေသင့်ပါတယ်။

(၂) Economic Data
“When America sneezes, the world catches a cold.” ဆိုတဲ့ စကားလုံးက လူသိများပါတယ်။ အဲ့တော့ သူ့ရဲ့ စီးပွားရေး အခြေနေပြ အချက်အလက်တွေကို စောင့်ကြည့်ရ
ပါတယ်။ အလုပ်လက်မဲ့နှုန်း အတက်အကျတွေ၊ အမေရိကန် နည်းပညာကုမ္ပဏီကြီးတွေရဲ့ stock market အတက်အကျတွေ၊ GDP % စတာတွေကို သင်က စိတ်ဝင်တစား ကြည့်နေသင့်ပါတယ်။ ဥပမာ – အလုပ်လက်မဲ့နှုန်း ဦးရေကလည်းကျ၊ ကုန်ထုတ်လုပ်မှုတွေတိုးတက်လာပြီး နိုင်ငံရဲ့ GDP ကလည်း 2% အထက် တက်ခဲ့မယ်ဆိုရင် ဒီလိုဖြစ်နေတာတွေက
ရွှေဈေးကို မကျ ကျ အောင် ဖိအားပေးစေတဲ့ အရာတွေဖြစ်လာတော့တာပါပဲ။

(၃) ဝယ်လိုအား နဲ့ ရောင်းလိုအား
ဒီအချက်ကို ပြောရတာကျတော့ အရမ်းကို မတိမကျပြောလွန်းရာ ကျမယ်လို့ ထင်စရာပါ။ ဒါပေမယ့် ဒီအချက်က အခြေခံကျပါတယ်။
ရွှေနဲ့ ပက်သက်တဲ့ အဖွဲ့အစည်း World Gold Council WGC ကိုတော့ လန်ဒန်မှာ ရုံးချုပ်ဖွင့်လှစ်ထားပါတယ်။ ဘာသာစကား ၂ မျိုး နဲ့ ဝင်ရောက်ဖတ်ရှုနိုင်ပြီး အံ့သြစရာ ကော
င်းတာက အင်္ဂလိပ်ဘာသာ နဲ့ တရုတ်ဘာသာပဲ ဖြစ်နေတာပါ။ တစ်ကမ္ဘာလုံးက ရွှေတွေကို ဝယ်စုနေတဲ့ တရုတ်နိုင်ငံရဲ့ ပါဝင်ပက်သက်မှုကို ခန့်မှန်းနိုင်ပြီး အဲ့ဒီ့အဖွဲ့အစည်းကတော့
မြန်မာလိုပြောရရင် ဝိနည်းလွတ်နေပါတယ်။ ဘယ်ချိန်ဝယ်ရမယ်၊ မဝယ်ရဘူးတွေ မပြော၊ မဖေါ်ပြပါဘူး။ Educational Purposes အတွက်ပဲ အချက်အလက်တွေ တင်ထားပါတယ်။
WGC ရဲ့ ဖေါ်ပြချက် အရတော့ ၂၀၁၆ မှာ ရွှေ ဝယ်လိုအား ၁၅ % ထိ တိုးတက်လာပြီး ရွှေတန်ချိန် ၂၃၃၅ တန် ထိ ရှိခဲ့ပါတယ်။ သတိပြုစရာက မြင့်တက်လာတဲ့ ၁၅% မှာ ၁% က
ပထမနှစ်ဝက်ရဲ့ တိုးတက်မှုဖြစ်ပါတယ်။ အဲ့တော့ ၂၀၁၆ ခုနှစ်က နောက်ပိုင်း ၆ လမှာ ရွှေဝယ်လိုအား ၁၄% ရှိတာပါ။
Supply & Demand အတွက် Fun Facts အနေနဲ့ အံ့သြစရာ အချက်တွေ ရှိနေပါတယ်။
အိန္ဒိယ အမျိုးသမီးတွေ၊ အိမ်ရှင်မတွေရဲ့ ရွှေပိုင်ဆိုင်မှုက ကမ္ဘာ့ရွှေစုစုပေါင်းရဲ့ ၁၁ % ထိ ရှိနေတာပါ။ ဒါဟာ အမေရိကန်ပြည်ထောင်စု၊ ဆွစ်ဇာလန်၊ ဂျာမဏီ နိုင်ငံတွေနဲ့ ငွေေ
ကြးရံပုံငွေ အဖွဲ့ IMF တို့ စုစုပေါင်း ၄ ခုရဲ့ Federal Reserve ထက် ပိုများနေတာပါ။
ကမ္ဘာ့ရွှေစုစုပေါင်းရဲ့ ၅ ပုံ ၁ ပုံ ( ၂၀ %) ကို ကမ္ဘာအရပ်ရပ်ရှိအစိုးရများက ပိုင်ဆိုင်ထားပြီး London မြို့ လမ်းမတွေရဲ့ အောက်မှာ သိမ်းဆည်းထားပါတယ်။

(၄) ငွေကြေးဖေါင်းပွမှုနှုန်း Inflation Rate
ငွေကြေးဖေါင်းပွမှုနှုန်း အတက်အကျတွေကလည်း သက်ရောက်မှုရှိပါတယ်။ ငွေကြေး ဖေါင်းပွမှုနှုန်း ညွှန်းကိန်းက စီးပွားရေး တိုးတက်မှု ဘယ်လောက်ရှိလည်း ဆိုတာကိုလည်း
ပြနေပါတယ်။ အခု လောလောဆယ် မြန်မာ့ ရွှေဈေးနဲ့ မြန်မာကျပ်ငွေ ဖေါင်းပွမှုနှုန်းက ၁၂ သိန်း ၅ သောင်းခန့် နဲ့ ၉.၅ ရာခိုင်နှုန်း အသီးသီးရှိနေကြပါတယ်။ အဲ့ဒီတော့ ရွှေရဲ့ ပ
င်ကိုယ်ဈေး မတက်ခဲ့ဖူးဆိုရင်တောင် မြန်မာကျပ်ငွေ တန်ဖိုးကျဆင်းမှုကြောင့် နောက်နှစ်မှာ ရွှေဈေးဟာ ၁၃ သိန်း ၆ သောင်းကျော်ခန့်ရှိနေမှာပါ။

(၅) Currency Movements
ဒါကတော့ အမေရိကန် ဒေါ်လာ တန်ဖိုးကျတဲ့ အချိန်တွေမှာ ရွှေ၊ ငွေ စတဲ့ အဖိုးတန်ပစ္စည်းတွေအပါအဝင် အခြားနိုင်ငံတွေရဲ့ ငွေတန်ဖိုး အလိုက်သင့် တက်လာတဲ့ ဂယက်ပဲဖြ
စ်ပါတယ်။ ဒါပေမယ့်လည်း အမေရိကန် ပြည်ထောင်စုရဲ့ စီးပွားရေး တိုးတက်မှုနှုန်းတွေဟာ မကြာခဏ ပြန်လည် အညွှန်းကိန်း မြင့်တက်လေ့ရှိတာကြောင့် ရေတို ဈေး အတက်အ
ကျခန့်မှန်းမှုတွေကတော့ အမြဲတမ်း ရှိနေမှာပါ။
2016 မှာ US Dollar တန်ဖိုးကျဆင်းမှုကြောင့် ရွှေဈေး သိသိသာသာ မြင့်တက်ခဲ့ပါတယ်။

(၆) ETFs or Gold ETF
ငွေကြေး စနစ် နဲ့ ငွေကြေးဈေးကွက်၊ ဥပဒေ ရှိပြီးသားနိုင်ငံတိုင်းမှာ Exchange-Traded Funds လိုမျိုး ရင်းနှီးမြုပ်နှံဖို့ Platform တွေ၊ အဖွဲ့အစည်းတွေ ရှိကြပါတယ်။ ရွှေ၊ ငွေ၊
ရေနံ လိုမျိုး ဝယ်ယူစရာ ရင်းနှီးမြုပ်နှံနိုင်တဲ့ Commodities တွေမှာ ငွေထည့်ထားမယ့် Hedge Funds တွေ၊ အကျိုးတူရင်းနှီးမြုပ်နှံမှု ရှိကြသူတွေ၊ Wealth Management Team
တွေရှိတာကြောင့် ရွှေဈေးအပေါ် သက်ရောက်မှုတွေ ရှိပါတယ်။
ETFs တွေဟာ သက်ရောက်မှု ကြီးကြီးမားမားမရှိလို့ Market Movers တွေတော့ မဟုတ်ကြပါဘူးလို့ပြောလေ့ရှိပါတယ်။ သူတို့က ဆုံးရှုံးနိုင်ခြေ Risks နည်းတဲ့ အဖွဲ့အစည်းအြ
ဖစ်ရပ်တည်နိုင်အောင်ပဲ အားထုတ်နေကြပါတယ်။ အဲ့တော့ သူတို့ အနေနဲ့ကတော့ အမြတ်လည်း နည်းမယ်။ ဒါပေမယ့် အရမ်း Risks များတဲ့ CFDs လိုမျိုး (မြန်မာပြည်က ရွှေ
ပတ်ကား ဝယ်ရောင်းနည်းနဲ့ ဆင်တူ) တစ်ဦးချင်း ဝယ်ရောင်း လုပ်ကြသူတွေ၊ အဖွဲ့အစည်းနဲ့ Trade ကြသူတွေလိုတော့ အရှုံး အမြတ် မကြမ်းကြပါဘူး။
ဒါပေမယ့် ETFs တွေ၊ အထူးသဖြင့် GOLD ETF တွေကတော့ ပိုမိုအားကောင်းလာပြီး ရွှေဈေးကွက်အပေါ် သက်ရောက်မှုကြီးမားလာတာကို မြင်နေရတယ်လို့ Australian Gold
ETFs ဘက်မှာ ပြောနေကြပါတယ်။

(၇) Uncertainty
ဒါကတော့ နောက်ပိတ်ဆုံး အိတ်နဲ့လွယ်တဲ့ အချက်ပါပဲ။ အားလုံးတွက်ချက်နေရဲ့သားနဲ့ မမျှော်လင့်ထားတာတွေကလည်း ဖြစ်နေတတ်ပါတယ်။
ဥပမာ UK ရဲ့ ဥရောပလမ်းခွဲ Brexit နဲ့ သမ္မတ သက်တမ်း တစ်ခုအတွင်း ဖြစ်မှာလား၊ ရပ်မှာလား မသေချာတဲ့ US-China Trade War လိုမျိုးတွေပါ။ အဲ့တော့ မသေချာမှုအပေါ
င်းကို အဓိက ပြောချင်တာက နိုင်ငံရေး အရ မသေချာမှုတွေနဲ့ နိုင်ငံတွေရဲ့ စီးပွားရေး မတည်ငြိမ်မှုတွေပါ။
အဲ့ဒီ့အချိန်တွေမှာ Stock Market ရဲ့ အားကောင်းနေမှုတွေ၊ အယုံအကြည် ကျဆင်းနေမှုတွေက ရွှေကို အားကိုးရမလား၊ လက်လွှတ်ရမလား ဆိုတာတွေဖြစ်လာစေပါတယ်။

( ကူးယူဖေါ်ပြခြင်း ခွင့်မပြုပါ။ ကျွန်တော်တို့နဲ့ အဆက်အသွယ်မပြတ်တဲ့ အတွက် ကျေးဇူးတင်ပါတယ်ခင်ဗျ။)