ကိုဗစ်ကာလအတွင်းမှ အလှကုန်လုပ်ငန်းများ၏အခြေအနေ

ကိုဗစ်ကာလကြောင့် အလှကုန်လုပ်ငန်း၏ ပြောင်းလဲမှုကြီးမားခဲ့ပြီး လုပ်ငန်းငယ်များက social media ကိုအသုံးပြုကာ Sephora ပိုင်သော LVMH ကဲ့သို့ ကုမ္ပဏီကြီးများကို စိန်ခေါ်ကာ ကုန်တိုက်အလှကုန်စတိုးဆိုင်များ၏ မားကတ်ရှယ်ယာကို ခွဲဝေရယူခဲ့ကြလေသည်။

Lockdowns ဖြေလျှော့ပေးပြီး လက်လီအရောင်းဆိုင်များပြန်ဖွင့်ပြီးနောက်တွင်လည်း ဆိုင်တွင်းသို့ လူဦးရေအကန့်အသတ်ဖြင့်သာ ဝင်ခွင့်ပေးသောကြောင့် customers များက အသစ်ထွက်ပစ္စည်းများကို စိတ်ကြိုက်စမ်းသပ်ခွင့်မရရှိသဖြင့် ပျော်ရွှင်ကြေနပ်မှုအပြည့်အဝမရရှိကြပေ။

“အလှကုန်ပစ္စည်းဝယ်ယူမှုဟာ အပြန်အလှန်ဆက်သွယ်မှုများစွာလိုအပ်ပါတယ်။ ကျွန်မတို့ရဲ့ဆိုင်ကလေးက ပုံမှန်ဆို လာရောက်စူးစမ်းသူ စမ်းသပ်သူတွေနဲ့အမြဲပြည့်နှပ်နေခဲ့တာပါ” လို့ U.K အခြေစိုက် Norfolk Natural Living တည်ထောင်သူ Bella Middleton ကဆိုသည်။

သို့သော် မတ်လတွင် U.K တနိုင်လုံး lockdowns ချပြီးနောက် Middleton က သူမ၏ အရောင်းဆိုင်ခန်းမှ အွန်လိုင်းအရောင်းဆိုင်သို့ပြောင်းလဲခဲ့ပြီး သူမ၏ customers များအတွက် free samples များပို့ပေးခြင်း၊ product အကြောင်းများပြန်လည်ရေးသာခြင်းနှင့် အွန်လိုင်းအရောင်းမြှင့်တင်ရန် ကုန်ပစ္စည်းဓါတ်ပုံများကို ပိုမိုလှပအောင်မွန်းမံခြင်းတို့ဆောင်ရွက်ခဲ့သည်ဟု Middleton ကဆိုသည်။ ထိုသို့ပြုလုပ်ခြင်းက ရှိပြီးသား customers များ သူမ၏ website သို့ပြန်လည်ရောက်လာခဲ့ကာ ရောင်းအားပြန်လည်မြင့်တက်လာခဲ့ပြီး လူချင်းမတွေ့ရသော်လည်း customers များထံ “missing you” လက်ဆောင်ပစ္စည်းများပို့ပေးခဲ့သည်ဟု သူမကဆိုသည်။

Middleton ၏ဆိုင်မှာ သေးငယ်သည့်ဆိုင်လေးဖြစ်သော်လည်း တကမ္ဘာလုံး ရောင်းအား ဒေါ်လာ ၅၀၀ ဘီလျံရှိသည့် ဈေးကွက်ကြီး၏ တစိတ်တပိုင်းမှပါဝင်နေသူဖြစ်သည်။ အလှကုန်လုပ်ငန်းသည် တကမ္ဘာလုံး စီးပွါးရေးကျဆင်းခဲ့သည့် ၂၀၀၈-၀၉ ခုနှစ် ကာလတွင်ပင် ရောင်းအား ၃.၂% တက်ခဲ့သော်လည်း ယခုကိုဗစ်ကာလကတော့ ကွဲပြားခြားနားစေခဲ့သည်။ အချို့အလှကုန်လုပ်ငန်းများက အွန်လိုင်းအရောင်းဖက်သို့သွားကြသောကြောင့် အလှကုန်လုပ်ငန်းသည် အခြားလုပ်ငန်းများကဲ့သို့မတူပဲ ကိုဗစ်ကာလ စတိုးဆိုင်ရောင်း အားဆုံးရှုံးမှုများကို ပြန်လည်အဖတ်ဆယ်နိုင်ခဲ့သည်။

အလှအပ စွန့်ဦးတီထွင်သူ Rebecca Saunders က လန်ဒန်ရှိ အရောင်းဆိုင်ကိုပိတ်ထားလိုက်ရပြီး brands ၅၀ကျော်ကို သူမ၏ website Seekology မှတဆင့်ရောင်းချခဲ့သည်။ Seekology ၏စတိုးဆိုင်ရောင်အား ၉၉% ကျဆင်းခဲ့သော်လည်း အွန်လိုင်းအရောင်း ၁၀၀% တိုးတက်ခဲ့သည်ဟု သူကဆိုသည်။ စတိုးဆိုင်ခန်းသည် ကုန်ပစ္စည်းပြပွဲများ events များကျင်းပရာနေရာဖြစ်သောကြောင့် Brand ၏အဓိက မားကတ်တင်းချန်နယ်ဖြစ်သော်လည်း လာမည့်လ အနည်းငယ်ထိ စတိုးဆိုင်ပြန်ခွင့်မရရှိနိုင်ဟု သူမကဆိုသည်။

မတ်လက U.K မှ customers အယောက် ၃၀၀ ထံမှကောက်ယူခဲ့သည့်စစ်တမ်းတခုတွင် ၈၅ %သည် လူချင်းလက်တွေ့ရှင်းပြခြင်းက ပစ္စည်းပိုမိုဝယ်ယူချင်ကြောင်း ဖြေကြားထားသည်။ နည်းပညာက အလှကုန်လောကထံသို့ ကြီးမားသောပြောင်းလဲခြင်းများ ယူဆောင်လာခဲ့ပြီး Covid-19 ကလက်လီအရောင်းသမားများကို customers behaviors, habits နှင့်ပါတ်သတ်၍ ကြိုတင်ပြင်ဆင်ခွင့်မပေးခဲ့ပဲ လက်လီရောင်းချမှုပုံစံကို လုံးဝပြောင်းလဲစေခဲ့သည်။

စတိုးဆိုင်အတွေ့အကြုံမပေးနိုင်သော်လည်း customers များကို အလှကုန်ပစ္စည်းများ အွန်လိုင်းမှ ဝယ်ယူလာစေရန် ဆွဲဆောင်နိုင်သောနည်းလမ်းများဖြစ်သည့် Instagram Live videos နှင့် အခြား အွန်လိုင်းမီဒီယာများမှတဆင့် အလှကုန် content ဖန်တီးယူခဲ့ပြီး အလှကုန် content writers များနှင့် beauty influencer များမှတဆင့်လည်း အရောင်းမြှင့်တင်မှုပြုလုပ်ခဲ့ကြောင်း Stellar ၏ founder ဖြစ်သူ Anna Brettle ကဆိုသည်။

ပစ္စည်းသစ်ထွက်လျှင် Brand ကို promote လုပ်နိုင်သည့် နည်းလမ်းတခုမှာ influencers များထံသို့ sample ပစ္စည်းများပေးပို့ခြင်းဖြစ်ပြီး influencers များ၏ ကိုယ်ပိုင် videos နှင့် ဓါတ်ပုံများမှတဆင့် product အသစ်ကိုထည့်သွင်းကြော်ငြာနိုင်ကြောင်း Beauty Entrepreneur ဖြစ်သူ Person-Smith ကဆိုသည်။ သို့သော် supply chain ပြတ်တောက်သောပြဿနာကြောင့် သိပ်မလွယ်ကူခဲ့သော်လည်း Customers များနှင့်အဆက်အသွယ်မပြတ်တောက်စေပဲ online tutorials များ online discussions များမှတဆင့် အဆက်အသွယ်ရှိနေဖို့လိုအပ်ကြောင်း သူမကဆိုသည်။

Lockdowns ကာလအတွင်း လူများအပြင်မထွက်နိုင်ချိန်တွင်လည်း (DIY) အိမ်တွင်းပစ္စည်းများအသုံးပြု၍ အသားအရည်ထိန်းသိမ်းနည်းအကြောင်းများကို IGTV, Instagram video တို့မှတဆင့် မျှဝေမှုများပြုလုပ်ခဲ့ကြောင်း သူမကဆိုသည်။

အိမ်တွင်းကိုယ်တိုင်ဖန်တီးပြုလုပ်နိုင်သော DIY နည်းလမ်းများသည် ပြီးခဲ့သည့် စီးပွားရေးပျက်ကပ်အတွင်း trend တခုဖြစ်လာခဲ့သည်။ ၂၀၀၁ မှ ၂၀၁၀ ခုနှစ်အတွင် အိမ်တွင်ကိုယ်တိုင်အလှအပထိန်းသိမ်းသူ Professionals များကိုရည်ရွယ်သည့် personal care ပစ္စည်းများသည် U.S တွင် (IRI မှဒေတာများအရ) ၁၈% မြင့်တက်ခဲ့သည်။ ဥပမာတခုအရ Olay ၏ Professional Pro-X skincare ပစ္စည်းများမှာ ၂၀၁၀ ခုနှစ်တွင် ထိပ်ဆုံးမှရပ်တည်ခဲ့ပြီး ပထမနှစ်တွင် ဒေါ်လာ သန်း ၅၀ နီးပါးအထိရောင်းချနိုင်ခဲ့သည်။

ကိုဗစ်ကာလကြောင့် ဆိုင်ခွဲပေါင်း ၁၂၀၀ ကျော်ပိတ်ခဲ့ရသည့် Ulta Beauty ကဲ့သို့ အလှကုန်ကုမ္ပဏီကြီးများက ဒီဂျီတယ်မဏ္ဍိုင်များနှင့်အပြိုင်ရင်ဆိုင်ယှဉ်ပြိုင်မှုများ ပြုလုပ်ခဲ့ကြသည်။ မကြာသေးမီကပြန်လည်ဖွင့်လှစ်ခဲ့သည့် အရောင်းဆိုင် ၈၀၀ ကျော်တွင် order pickups နေရာများဖန်တီးပေးထားခြင်း၊ စတိုးဆိုင်ထဲဝင်လျှင် mask တပ်ဆင်ခြင်း၊ testers အသုံးပြုခွင့် ယာယီဖယ်ရှားထားခြင်းနှင့် ဆိုင်တွင်းသို့လူအနည်းငယ်သာဝင်ခွင့်ပေးထားခြင်းတို့ ဆောင်ရွက်လျက်ရှိကြောင်း CEO ဖြစ်သူ Mary Dillon ကဆိုသည်။

Online beauty ကဏ္ဍမြင့်မားလာခြင်းနှင့်အတူ Estee Lauder ၏ Bobbi Brown brand နှင့် L’Oreal ပိုင်ဆိုင်သော Lancome စသည့်နံမည်ကြီး brand များက virtual “try ons” စသည့် အွန်လိုင်းမှ အမြင်အရစမ်းသပ်နိုင်သည့် နည်းလမ်းများ ဖန်တီးပေးလာခဲ့ခြင်းက “brands များ၏အနာဂတ်အတွက် စိတ်လှုပ်ရှားဖွယ်ကောင်းသော ပြောင်းလဲမှုများ” ဟု OMG Transact consultancy မှ e-commerce director ဖြစ်သူ Lucy Hawkes ကမှတ်ချက်ပြုခဲ့သည်။

စီးပွားရေးလုပ်ငန်းများသည် ကုန်တိုက်က စတိုးဆိုင်တွေအပေါ်မှီခိုမှု တဖြေးဖြေးလျော့နည်းလာပြီး သူတို့ကိုယ်ပိုင် websites တွေဆီ လူတွေတဖြေးဖြေးရောက်လာအောင် ဆွဲခေါ်လာကြလိမ့်မည်ဟု သူကဆိုသည်။ Facebook shops, Instagram ကဲ့သို့သော ဆိုရှယ်မီဒီယာပေါ်မှတဆင့် တိုက်ရိုက်ဈေးရောင်းချမှုပြုလုပ်လာနိုင်သောကြောင့် ဆိုရှယ်မီဒီယာချန်နယ်များဘက်ကလည်း ကုန်ပစ္စည်းကြော်ငြာများအပေါ်လူတွေပေးသည့် “Like” မှတဆင့် “Cart” ထဲသို့ ရောက်ရှိလာစေရန်အတွက် ထိရောက်သော customers buying experiences ချဲ့ထွင်မှုများလိုအပ်ကြောင်း Hawkes ကထည့်သွင်းပြောကြားသွားခဲ့သည်။

Source: CNBC News, Wikipedia
Photo: Freebie Mom
ကူးယူဖော်ပြခြင်းခွင့်မပြုပါ။